Аманжан Жақып бетінің бастапқы мәтінін қарау

'''Аманжан Жақып''' - [[1935]] жылы 5 қазанда ҚХР-дың Бұратала аймағында туған. Өлең, әңгімелері 50-жылдардың басында өлкелік газет-журналдарда жарық көре бастайды. [[1954]] жылы жаңа шыға бастаған «Шыңжаң әдебиеті және исскуствосы» атты әдеби журналда жарияланған «Мен көрген жындар» әңгімесі Шыңжаң қазақтарының профессионал прозасының төлбасыларының бірі болды.

[[1955]] жылы атамекені — [[Қазақстан]]ға қоныс аударып, [[1961]] жылы [[Қазақ Мемлекеттік Университеті|Қазақ мемлекеттік университетінің]] филология факультетін бітіреді. Семей облысы, [[Мақаншы ауданы]]нда мектепте мұғалім, газетте тілшілік қызметтер атқарады. Қабанбай ұрпақтарының шежіресі, [[Әуезов Мұхтар Омарханұлы|М. Әуезов]] туралы көркем естеліктері, Ә.Найманбайұлының өмірі мен өнеріне арналған зерттеулері, өлеңдері, сондай-ақ саяси-әлеуметтік тақырыптағы мақала, көсемсөздері мерзімді баспасөз беттерінде үзбей жарық көрді. М. Әуезов туралы «Ұстаз» атты естелігі және біраз өлеңдері түрік тіліне аударылған.	

[[2003]] жылы Түркия Респубикасының Сивас қаласында өткен ІV-халықаралық Түрксой ақындары жүздесуіне қатысты. [[Үржар ауданы]]ның Құрметті азаматы, Қазақстан Республикасының Мәдениет қайраткері.
== Шығармашылығы ==
*Қыр лебі. Өлеңдер. «Жазушы», А., 1974; 
*Тоғыз тума тарихы. «Өлке», А. 2000; 
*Хан батыр Қабанбай. «Нұрлы әлем», А., 2001; 
*Қаракерей тума тарихы «Үш қиян» 2004, А., 
*Жасырын жазбалар «Фолиант» Астана 2004; 
*Сөз сарайы «Атамұра» А., 2006.<ref>Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса   - Алматы: «Аң арыс» баспасы, 2009 жыл</ref>
==Дереккөздер==
<references/>

{{wikify}}

{{Суретсіз мақала}}


[[Санат:Қазақстан жазушылары]]
[[Санат:1935 жылы туғандар]]