Айналма бетінің бастапқы мәтінін қарау

[[]][[Сурет:Coenurus.jpg|thumb|right]]
'''Айналма''' (Coenurosіs cerebralіs — ценуроз) – малдың миын, жұлынын зақымдайтын ауру.

[[Қазақстан]]да кең тараған. Айналмамен көбінесе күйіс қайыратын мал, әсіресе ірі қара мен қой жиі ауырады. [[Ауру]]ды миға түскен құрт қоздырады. Айналма құртының пішіні жұмыртқаға ұқсайды, іші кілтілдеген су, диаметрі 5-7 см. Кейбір малдың миында 2-3, тіпті 25-27 таспа құрт болады. Малға айналма иттен жұғады. Иттің ащы ішегіндегі таспа құрт нәжіске араласып сыртқа шығады. Мал сол [[құрт]]тарды шөппен бірге жеп, ауруға шалдығады.<br>Ауру дернәсілдің өсіп, дамуына байланысты төрт сатыға бөлінеді және орналасқан жеріне қарай әртүрлі болады. [[Ауру мал]]дың бас сүйегі жұқарады, таспа құрт жатқан жердің тұсын бармақпен басса, былқылдап тұрады. Егер ол шеке немесе самайға орналасса, мал оң немесе сол жағына қарай айналады. Қарақұста орналасса, артқа қарай шегінеді немесе ілгері қарай ұмтылады, ал жұлынды жайлаған болса, малдың жүріс-тұрысы бұзылады. Ауруды анықтау үшін [[офтальмоскопия]] әдісі мен [[аллергия]]лық реакция қолданылады. Сақтық шаралары: шаруашылықтағы иттер есепке алынып, оларды жылына төрт рет тексеруден өткізу керек.<ref>[[Қазақ энциклопедиясы]], 1-том</ref>

==Сілтемелер==
<references/>

[[Санат: Зоология]]
[[Санат: Биология]]

{{stub}}
{{wikify}}