Шерәлі Біләлов

Шерәлі Біләлов (10 наурыз 1944 жылы, Оңтүстік Қазақстан облысы, Қызылқұм ауданы, Қаракөл ауылында туған) – физика-математика ғылымының кандидаты (1991 жылы), филология ғылымының докторы (1998 жылы). Қазақ Мемлекеттік Университетінің (1969 жылы, қазіргі Қазақ Ұлттық Университеті) механика-математика факультетін және аспирантурасын (1988 жылы) бітірген. 1969–74 жылдары Қазақ КСР-і Орталық статистика басқармасының есептеу орталықнда инженер, 1974–90 жылдары КСРО Мемлекеттік банкі Қазақ КСР-і конторының есептеу орталықнда бөлім меңгерушісі. 1990 жылдан Қазақстан Ғылым Академиясының Математика институтында аға ғылыми қызметкер. «Ұлттық ғылым тілі негіздерін қалыптастыру» деген тақырыпта докторы диссертация қорғады. 14 ғылыми еңбегі жарық көрді.<ref name="source1">“Қазақ Энциклопедиясы”, 2 том</ref><ref>Қазақ тілі. Энциклопедия. Алматы: Қазақстан Республикасы Білім, мәдениет және денсаулық сақтау министрлігі, Қазақстан даму институты, 1998 жыл, 509 бет. ISBN 5-7667-2616-3</ref>