Мұстафа Матаев
Мұстафа Матаев (13.5.1933 жылы туған, Қазалы қаласы) – философ-ғалым, философия ғылымдарының кандидаты (1967), профессор (1995), «ҚР Білім беру ісінің құрметті қызметкері» (2003), ҚР Әлеуметтік ғылымдар академиясының құрметті академигі. ҚазМУ-дың (ҚазҰУ) философия факультетін (1955), СОКА ОК жанындағы Қоғамдық ғылымдар академиясының аспирантурасын (1967) бітірген. Еңбек жолын Қазалы ауыл шаруашылық техникумында оқытушылықтан бастаған. 1961 – 64, 1967 – 69 жылдары Қазақстан КП Қызылорда обкомының лекторлар тобының жетекшісі қызметін атқарды. 1969 жылдан қазіргі Қорқыт Ата атындағы Қызылорда мемлекеттік университетінде кафедра меңгерушісі, деканы қызметінде болды. 1992 жылдан «Құқықтану» кафедрасының меңгерушісі, 2001 жылдан «Мемлекет және құқық теориясы мен тарихы» кафедрасының құрметті меңгерушісі.
