Дегелең дүрбелеңі

«Дегелең дүрбелеңі» - көтеріліс. 1-дүниежүзілік соғыс майданындағы тыл жұмыстарына қазақтан адам алу туралы Ресей патшасы, II Николайды4 1916 жылғы «Июнь жарлығына» байланысты ұйымдастырылған. Семей облысы Қарқаралы уезіне қарасты Абыралы, Шыңғыс, Семейтау өңірін мекендейтін қазақтар Дегелең тауына жиналып, әскерге адам бермеу туралы уағда жасасты. Жазалау жасақтарымен қарулы қақтығыстарға барды. Болыстың тізімін жыртып, кеңсе үйлерін өртеді. Жұрт мұны «Дегелең дүрбелеңі» деп атап кетті. Бұл оқиға болған кезде Әуезов сол өңірде Икенің ауылында бала оқытып жүрген еді. Кейіннен сол оқиғаны «Түнгі сарын» пьесасына арқау етті.<ref>Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8</ref>

Дереккөздер

<references/>