Талас тоспасы
Қазақ Энциклопедиясы жобасынан алынған мәлімет
Талас тоспасы – қаланың оңтүстік - шығыс шетінде, Талас өзенінің темір жолмен қиылысында 1942 жылы салынған кеңес дәуірінің өнеркәсіптік архитектуралық ескерткіші. Темірбетоннан жасалған қалқанды су көтергіш төрт қуысты тоспа Байзақ ауданының 25 мың гектардан астам жерін суландыру мен Тараз қаласын техникалық тұрғыдан сумен қамтамасыз етуге арналған. Есеп бойынша секундына 267 м2 су өткізеді. Тоспаның ұзындығы 65 м, ең биік жері 5 м. Тоспадан оңға және солға қарай каналдар басталады. Оның үстімен автомобиль жолы өтеді.
