Литовченко Никита Васильевич

Литовченко Никита Васильевич (1919, Атбасар ауданы Новопетропавловка ауылы) – металлург ғалым, техника ғылымдарының докторы (1967), профессор (1969). 1942 жылы Магнитогорск металлургия институтын бітіргеннен кейін Магнитогорск металлургия комбинатында жұмыс істейді. 1946 – 76 жылдары Кен-металлургия институтында ассистент, доцент, профессор, 1974 жылдан кафедра меңгерушісі, 1976 жылдан Липецк политех. институтының проф-ы қызметтерін атқарған. Литовченко зерттеулері негізінде Кривой Рог, Череповца, Батыс Сібір металлургия зауыттарында, «Азовстальда», сондай-ақ шетел кәсіпорындарында прокат стандары жобаланған. Литовченко – 3 оқулықтың, 12 монографияның авторы. Орден, медальдармен марапатталған.

Дереккөздер</span>

«Ақмола облысы» энциклопедиясы