Серік Ибрагимұлы Жәмбеталин

Серік Ибрагимұлы Жәмбеталин - 1953 жылы 30 қазанда Көкшетау облысы Чкалов ауданының Қара ағаш ауылында туған. Қазақ. Әкесі - Жәмбеталин Ибрагим Қабылұлы (1918-2003), облыстық статистика басқармасында экономист болып жұмыс істегөн. Анасы - Жәмбеталина Шәмшия Әшімқызы (1927 жылы туған), зейнеткер.

Хронологиясы

• Целиноград ауылшаруашылық институтын бітіргөн (1981), мамандығы - «Экономика және ауыл шаруашылығын ұйымдастыру».
• «Нұр Отан» ХДП мүшесі (2007 жылдан).
• 1976 жылдан - Целиноград ауылшаруашылық институты комсомол комитеті хатшысының орынбасары.
• 1978 жылдан - Целиноград облыстық комсомол комитеті комсомол жұмысы кабинетінің меңгерушісі, студент жастар бөлімінің меңгерушісі.
• 1981 жылдан - Көкшетау облысы Зеренді ауданының «ҚазКСР -нің 40 жылдығы» кеңшарының еңбек жөніндегі экономисі.
• 1982 жылдан - Көкшетау облысы Рузаев ауданының ҚазКСР -нің 50 жылдығы атындағы кеңшарының бас экономисі.
• 1987 жылдың мамырынан - Көкшетау облыстық қаржы бөлімінің аға ревизоры - агроөнеркәсіп комитетінің инспекторы.
• 1987 жылдың шілдесінен - КСРО Мемлекеттік агроөнеркәсібі Бүкілодақтық ғылыми-зерттеу жоспарлау және нормативтер институтының Көкшетау тірек бөлімшесінің меңгерушісі.
• 1988 жылдан - Көкшетау облыстық «Агросервис» өнеркәсіп бірлестігінің өндірістік-экономикалық бөлімінің бастығы.
• 1991 жылдан - «Бағдар» ШК директоры.
• 1993 жылдан - Көкшетау облыстық халықты еңбекпен қамтамасыз ету орталығының мемлекеттік инспекторы, мемлекеттік инспекция бастығы, бастығының орынбасары.
• 1994 жылдан - Көкшетау облыстық әкімшілігі Экономика басқармасы қаржы-несиелік қатынастар бөлімінің бастығы.
• 1995 жылдан - Көкшетау облыстық ауыл шаруашылығы басқармасы бастығының экономика жөніндегі орынбасары.
• 1997 жылдан - «Атамекен» АТАҚ вице-президенті (Көкшетау қаласы).
• 1999 жылдың наурызынан - «Көкшехимсервис» ЖШС директоры (Көкшетау қаласы).
• 1999 жылдың маусымынан - Ақмола облыстық әкімдігінің кеңес берушісі, бас маманы, ауыл шаруашылығы бөлімінің меңгерушісі.
• 2003 жылдан - Ақмола облыстық Жер инспекциясы бастығының орынбасары.
• 2005 жылдан - Ақмола облысы Ауыл шаруашылығы басқармасының бастығының өндіріс жөніндегі орынбасары, бірінші орынбасары.
• 2010 жылдың мамырынан бері - Ақмола облысы Ауыл шаруашылығы басқармасының бастығы.

Жетістіктері

• «Қазақстан Республикасының тәуелсіздігіне 10 жыл» (2001),
• «Қазақстан Конституциясына 10 жыл» (2005) медальдарымен марапатталған.

Әскери атағы - запастағы капитан. Діни көзқарасы - мұсылман. Хоббиі - автоәуесқой, шахмат, футбол. Сүйіп оқитын әдебиеті - «ТАӨ» сериясымен жарық көрген кітаптар. Үйленген. Жүбайы - Барбанова Тамара Ермұқанқызы (1957 жылы туған), Ақмола облыстық статистика басқармасының есепшісі. Қызы - Әсемгүл.<ref>Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2</ref>

Дереккөздер

<references/>