Серғазы Қалиев

Қалиев Серғазы<ref name="source1">Қазақ энциклопедиясы</ref> - (25.6.1929 жылы туған, Шығыс Қазақстан облысы Абай ауданы) – педагогика ғылымдарының докторы (1996), профессор (1998). Семей мемлекеттік педагогика институтын (1949) бітірген. 1949–83 жылдары мектептерде мұғалім, директор, инспектор, Қазақ темір жол басқармасының оқу орындарында бөлім бастығы, 1983–87 жылдары республика Мұғалімдер білімін жетілдіру институты директорының орынбасары, Қазақ КСР-і ҒА Педагогика ғылымдары ғылыми-зерттеу институтында аға ғылыми қызметкер, бөлім меңгерушісі, ғылыми жұмыстар жөніндегі директордың орынбасары (1987–93), Қазақ білім академиясында лаборатория меңгерушісі (1993–2000) болды. 2000 жылдан осы академияда орталық директоры қызметін атқарады. «Қазақтың халықтық тәлім-тәрбиесінің ғылыми-педагогикалық негіздері» деген тақырыпта докторлық диссертация қорғады. 250-ден астам ғылыми жарияланымның авторы.

Пайдаланылған әдебиетттер

<references/>