Сидоров Семен Михайлович
Қазақ Энциклопедиясы жобасынан алынған мәлімет
Сидоров Семен Михайлович (1903, Ресей,Орынбор – 1.10.1976, Алматы ) – медицина ғылымдарының докторы (1945), профессор (1945). Қазақ КСР-інің еңбек сіңірген ғылыми қайраткері (1960). Омбы медицина институтын (1931) және аспирантурасын (1934) бітірген. Алматы мемлекеттік медицина институтында (1935–76, қазіргі Қазақ ұлттық медицина университеті) кафедра меңгерушісі қызметін атқарған. Негізгі ғылыми еңбектері сот медицинасы мәселелеріне арналған. 2 рет «Құрмет Белгісі» орденімен және медальдармен марапатталған.
