Теңіз түзілімдері

Теңіз түзілімдері. Ауқымы әртүрлі су қоймаларда — ауданы жағынан теңіздерге шамалас континенттік көлдерден бастап мұхиттарға дейінгі алап түптерінде қалыптасатын түзілімдер.

Түзілу тереңдігіне байланысты теңіз түзілімдері:

• литоральдық (теңізжағалаулық);
• неритті (саяз теңіздік);
• қайраңдық;
• батиальдық (гемипелагиальдық, терең-теңіздік);
• абиссальдық (ашық мұхит түзілімдері яки пелагиальдың шөгінділер) түзілімдерге жіктеледі.

Абиссальдың шөгінділер қазба түрде сирек кездеседі. Теңіз түзілімдерінде сапропельді шашыранды органикалық заттар көптеп шоғырланады, сондықтан оларға мұнай қалыптастырушы қабаттар тән, тіпті шашыранды органикалық заттарды молынан кіріктіретін қабаттар да (доманикиттер) ұшырасады. Теңіз түзілімдерінде ұзақ қашықтықтарға сағаланатын сазды және сазды-ізбесті денелер кездеседі, олар аймақтың жабын рөлін атқарады.<ref>Мұнай және газ геологиясы терминдерінің орысша-қазақша түсіндірме сөздігі. Жалпы редакциясын басқарған Қазақстанға еңбегі сіңген мұнайшы — геологтар Т.Н. Жұмағалиев, Б.М. Куандықов, 2000. — 328 бет.</ref>

Дереккөздер

<references/>