Айымдос Ерсайынұлы Бозжігітов

Айымдос Ерсайынұлы Бозжігітов (5 қаңтар 1956, Володар ауданы, Көкшетау облысы) — қазақстандық дипломат, елші. II дәрежелі Төтенше және Өкілетті Елші және техника ғылымдарының кандидаты.

Өмірбаяны

1956 жылы 5 қаңтарда Көкшетау облысы, Володар ауданы, Қазан ауылында (қазіргі Солтүстік Қазақстан облысы, Айыртау ауданы) дүниеге келді.

Білімі

1979 жылы Қарағанды политехникалық институтын “мұғалім-инженер” мамандығы бойынша тәмамдап, 2000 жылы Қазақстан СІМ Дипломатиялық академиясында және 2003 жылы Лондонның экономика мектебінде тәжірибеден өтті.

Мансабы

• 1979—1980 — Қарағанды политехникалық институты комсомол комитетінің хатшысы;
• 1980—1983 — Қарағанды политехникалық институтының ассистенті;
• 1983—1992 — Қазақ политехникалық институтының, Алматы сәулет-құрылыс институтының аспиранты, ғылыми қызметкері, оқытушысы, доценті, кафедра меңгерушісі;
• 1992—1993 — “Қазпромэкспорт” бас директорының орынбасары;
• 1993—1995 — Қазақстанның Түркиядағы Сауда үйінің бас директоры;
• 1995—1997 — Nakosta компаниясының бас менеджері;
• 1997—1998 — “Техноинвест” компаниясының директоры;
• 1998—2002 — Дипломатиялық өкілдіктермен жұмыс департаментінің директоры, директордың орынбасары, Дипломатиялық корпусқа қызмет көрсету департаментінің директоры;
• 2002—2006 — Қазақстан Сыртқы істер министрлігі Алматы қаласындағы өкілдігінің басшысы;
• 2006—2015 — Қазақстанның Армениядағы елшісі;<ref>Үлгі:Cite web</ref>
• 2015—2018 — Қазақстанның Қырғызстандағы елшісі;<ref>Үлгі:Cite web</ref><ref>Үлгі:Cite web</ref>
• 2018—2021 — “Сыртқы саясатты зерттеу институты” АҚ төрағасы.

Жеке өмірі

Үйленген, жұбайы Баян Бозжігітова (1958 туған). Балалары: ұлы — Әмір (1979 туған) және қыздары — Айгерім (1986 туған) мен Айша (1988 туған) Бозжігітовтер.<ref>Үлгі:Cite web</ref>

Марапаттары мен атақтары

• Қазақстан Республикасының тәуелсіздігіне 10 жыл медалі (2001);
• Қазақстан президентінің құрмет грамотасы (2002);
• Құрмет ордені (2007);
• Астанаға 10 жыл медалі (2008);
• Қазақстан президентінің алғысы (2010);
• Қазақстан Республикасының тәуелсіздігіне 20 жыл медалі (2011);
• Қазақстан премьер-министрі орынбасарының алғысы (2012);
• Қазақстан Конституциясына 20 жыл медалі (2015);
• Қазақстан Республикасының Тәуелсіздігіне 25 жыл медалі (2016);
• Қазақстан Республикасының дипломатиялық қызметіне 25 жыл медалі, Қазақстан президентінің алғысы (2017);
• Астанаға 20 жыл медалі, Парасат ордені, Қазақстан Сыртқы істер министрінің Құрмет грамотасы (2018);