Ащықұдық (көл)

Үлгі:Көл Ащықұдық – Ақтөбе облысы Шалқар ауданындағы тұйық, ащы көл. Тоғыз темір жол стансасының солтүстік-шығысында 39 км жерде.

Гидрографикасы, жағалу сипаты

Ұзындығы 8 км, ені 2 км-ден астам, аумағы 15,1 км². Жауын-шашынға байланысты аумағы өзгеріп отырады. Жағасы жазық. Қарашаның аяғында суы қатып, сәуірдің аяғында ериді. Құрғақ жылдары өте ащы болып, тұнба тұзға айналады. Көл жағаларында сораң өсімдіктер өседі.