Конституция мұздығы

Үлгі:Мұздық Конституция мұздығы – Іле Алатауының солтүстік беткейіндегі аңғарлық мұздық. Талғар өзенінің бастауында орналасқан. 1910 жылы С.Е. Дмитриев ашқан.

Аумағы, жер бедері

Мұздық 4520 м биіктіктен 3270 м биіктікке дейін созылып жатыр. Ұзындығы 6,0 км (оның ішінде ашық бөлігі 5,7 км), жалпы ауданы 6,0 км², мұз көлемі 0,4 км³. Мұздық тілінің ашық жері 1,9 км². Мұздық еріп, жылына 15-20 м-дей қысқаруда.<ref>АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5</ref>