Бегалы Нұрманұлы Айтбембет

Бегалы Нұрманұлы Айтбембет (15 қазан, 1939 жылы туған, Қазалы ауданы Жаңажол ауылы) – ғалым, медицина ғылымдарының докторы (1984), профессор (1986), Профилактикалық медицина академиясының академигі (1992). Қазақстанның еңбек сіңірген қайраткері (2003).

Өмірбаяны

• Семей мемлекеттік медицина институтын (қазіргі Семей мемлекеттік медицина академиясы) бітірген (1964).
• 1964 – 66 ж. Шымкент (Оңтүстік Қазақстан) облысының Түркістан қалалық әкімдігінің медицина бірлестігінде бас дәрігердің орынбасары.
• 1966 – 70 ж. Бәйдібек аудандық ауруханасында бас дәрігер.
• 1970 – 73 ж. Семей медицина институтында аспирант.
• 1973 – 76 ж. Алматы мемлекеттік медицина институтының (Қазақ ұлттық медицина университеті) госпиталдық емдеу кафедрасының ассистенті.
• 1977 – 85 ж. Республикалық клиникалық ауруханасында бас дәрігерінің емдеу жөніндегі орынбасары, бас дәрігер.
• 1985 – 89 ж. Алматы мемлекеттік медицина институтында кафедра меңгерушісі.
• 1989 – 92 ж. Қазақстан Республикасы Денсаулық сақтау министрлігінде бас терапевт.
• 1994 ж. Қазақ Гигиена және кәсіби аурулар ғылыми-зерттеу институтының директоры.
• 1998 ж. Гигиена және эпидемиология ғылыми-зерттеу орталығының директоры қызметтерін атқарды.
• 2000 жылдан Республикалық клиниканың психиатрия ауруханасының бас дәрігері.
• 2001 – 03 ж. Республикалық психиатрия, психотерапия және наркология ғылым практикалық орталығының директоры.

Ғылыми еңбектері

200-ден астам ғылыми еңбектің, 2 монография, 7 оқу құралы, 12 әдістемелік ұсыныстың авторы.<ref>"Қазақ Энциклопедиясы"</ref> 5 ғылым докторын, 23 ғылым кандидатын дайындады. Бірнеше медальдармен марапатталған. Туған жері Қазалы кентінде ескерткіш бюсті қойылған. Қазалы ауданының құрметті азаматы.<ref>СЫР ЕЛІ. Энциклопедия / Бас ред. Б.С. Каримова. 2-басылым. – Алматы: «Тау-Қайнар» ЖШС, 2023.</ref>