Абай даласы

Абай даласы – Ресей Федерациясы Алтай өңіріндегі тектоникалық ойыс. Солтүстік-шығысында Теректі, оңтүстік-батысында Қоржынтау жоталары орналасқан. Абсолюттік биіктігі 1100 м. Ұзындығы 25 км, ені 6-9 км. Солтүстік-батыстан оңтүстік-шығысқа қарай шағын Абай, Ақсас өзендері ағып өтеді. Түрлі шөп аралас астықтұқымдас өсімдіктер өседі. Ойыстың құнарлы бөлігі игерілген.<ref>Атамекен: Географиялық энциклопедия. /Бас ред. Б.Ө.Жақып. - Алматы: "Қазақ энциклопедиясы", 2011. - 648 бет. ISBN 9965-893-70-5</ref>