Еңбектеу
Еңбектеу – нәрестенің өсіп, буыны беки бастаған кезде төрт тағандап өздігінен жүруі.
Сәттілік тілеу
Өздігінен жылжып еңбектей бастаған баланың қадамына сәттілік тілеу мақсатында еңбектеп тұрған баланың бауырынан бас-сирақ салынған табақты үш рет өткізіп бауыраяқ жосынын атқарады.
Әбден толық еңбектеп үйреніп, қаз тұрып, жағалай бастаған баланы анасы сүйемелдей тәй-тәй басқызып, буынының қатайып, аяғын тез басуына ықпал етеді.
Еңбектеу және еңбектеу үрдісінде атқарылатын сан алуан ғұрыптар мен ырым-тыйымдар сәбидің тіршілік циклындағы ең жауапты әлеуметтендіру кезеңдерінің бірі болып табылады.<ref>ҚАЗАҚТЫҢ ЭТНОГРАФИЯЛЫҚ КАТЕГОРИЯЛАР, ҰҒЫМДАР МЕН АТАУЛАРЫНЫҢ ДӘСТҮРЛI ЖҮЙЕСI. Энциклопедия. – Алматы: РПК “Слон”, 2012. – (иллюстрацияланған) ISBN 978-601-7026-17-22-том: Е – И – 736 бет.ISBN 978-601-7026-20-2</ref>
Дереккөздер
Әдебиеттер
- Колбасенко И.С. Киргизская колыбель. Несколько слов об уходе за детьми у киргизов. ПКАГО. Киев, 1890. Т.3. Вып.6. С.101-105.;
- ҚР ҰМ материалдарынан;
- ОМЭЭ – материалдарынан.
