Кешан
Кешан (Үлгі:Lang-tr) — Түркиядағы Эдирне иліндегі қала және аудан.
Қазіргі қала атауы грек тіліндегі Киссене немесе Кессани (Κισσηνη) атауларынан шыққан. 1912 жылы қала халқының саны 10 мың адамды құраған, тұрғындарының басым көпшілігі гректер еді.
Бірінші дүниежүзілік соғыстың басталуымен түріктер Шығыс Фракияны мекен еткен гректерді қаладан аластата бастайды. 1920 жылғы санақ нәтижесіне сәйкес қалада 5 300 ғана грек қалған.
1920 жылғы Севрск бейбіт келісімімен қала Грекияға беріледі. Қалаға жақын жерде орналасқан ауылға түріктер Рускей атауын берсе, гректер қаланы иемденгеннен кейін ауылдың атауын Киссене деп өзгертеді. 1923 жылғы Лозан келісіміне сәйкес Грекия Шығыс Фракияны Түркия Республикасына беруге мәжбүр болып, өздері Батыс Фракияға қоныс аударып, осы жерде Неа Кессани – Жаңа Кешан қаласын құрады.
Қазіргі кезде Кешан қаласында 45 мың адам тұрады, халықтың көп бөлігін түріктер құрайды.
