Рамазан Сағындықұлы Тайманов

Үлгі:Музыкант Рамазан Сағындықұлы Тайманов (1954 жылы 23 мамырда Қызылорда облысы Сырдария ауданында туған) — композитор. Қазақстанның еңбек сіңірген қайраткері (2010). Қызылорданың құрметті азаматы (2012). Құрмет орденінің иегері (2017).

Толығырақ

• Рамазан Сағындықұлы Тайманов 1954 жылы 23 мамырда Қызылорда облысы Сырдария ауданы Шаған ауылында дүниеге келген.
• 1989 жылы Алматыдағы П.И.Чайковский атындағы музыкалық училищенін бітірген.
• 2003 жылы Қорқыт ата атындағы Қызылорда мемлекеттік университетін бітірген.
• 1990- - 1997 жылдары Сырдария аудандық мәдениет бөлімінде автоклуб меңгерушісі болып жұмыс істеген.
• Тереңөзек кентіндегі кәсіптік-техникалық училищеде «Гүлдерайым» ансамблін құрып, облыстық, аудандық байқауларға қатысып жүлделі орындар алған.

Шығармашылығы

• Рамазан Таймановтың 1986 жылғы желтоқсан оқиғасына байланысты шыққан «Қазақ қызы» әнімен республикаға танымал болды.
• 1996 жылы Эстонияда өткен дүниежүзілік балалар шығармашылығы фестивалінде оның «Қызылорда жастарының әні» таңдаулы деп бағаланып, «Алтын қорға» жазылып алынды. 1997 жылы «Айналайын» фестивалінің гимні болып Р.Таймановтың «Айналайын» әні таңдалған.
• 1999 - 2000 жылдары Республикалық «Жас қанат» байқауы мен «Азия даусы» фестивалінде «Қазағым-ай», «Қорқыт-қобыз» әндері 1-ші орын алып, Р.Тайманов «Ең үздік композитор» атағын иеленді. Белгілі әншілердің орындауындағы «Қазақ қызы», «Қазағым-ай», «Боздақтар», «Сыңсу», «Махаббат мұңы», «Махаббат көктемі», «Сен мені іздеді деп кінәлама» әндері республика жұртшылығына кеңінен таныс.

Марапаттары

• 1998 жылы Қызылорда облысы әкімінің степендиянты.
• 2001 жылы Елбасының жарлығымен Шапағат медалі мен марапатталған.
• 2010 жылы Елбасының жарлығымен "Қазақстанның еңбек сіңірген қайраткері" құрметті атағы берілді.
• 2012 жылы Қызылорда қаласының құрметті азаматы атағы берілді.
• 2017 жылдың 5 желтоқсанындағы ҚР Президентінінің жарлығымен Құрмет орденімен марапатталды.