Қайнаға

ҚАЙНАҒА, қайын аға – туыстық атау. Қайнаға ерлі-зайыптылардан жасы үлкен ер адам. Күйеуіне әйелінің ағалары, әйеліне күйеуінің ағалары қайнаға болады. Күйеуі мен әйелі бір-бірінің аталас, рулас ағаларын да қайнаға деп атайды. Туған қайнаға, немере қайнаға, шөбере қайнаға одан арғысы қайнаға деп туыстық жақындығына қарай жалпылама береді. Дәстүрлі қазақ қоғамында қайнағаға үлкен ретінде, аға ретінде қарап, оған құрмет көрсетілген.