Манас аралы

Манас аралы – Арал теңізінің шығысында, Сырдарияның атырауында, теңізден 3,5 км жерде.

Сипаты

Теңіз суының тартылуына дейін Манас аралының ауданы 9 км², солтүстіктен оңтүстікке қарай 10 км-ге созылып жатқан, ал енді жері 1,5 км болған. Жер бедері ақшыл түсті кварцитті құмнан түзілген. Солтүстігінде жер бедері көтеріңкі, су деңгейінен биіктігі 10 м болған. Жусан, сораңшөп және жағалауында қамыс өскен. 20 ғасырдың 80-жылдарынан бастап теңізге құятын өзен суларының күрт азаюына байланысты Манас аралы және оған жапсарлас орналасқан Айжарым, Жалпақ, т.б. аралдар теңіз жағалауымен қосылып кетті.<ref>«Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VI том</ref>