Педро Энрике да Силва Абреу
Үлгі:Футболшы Педро Энрике да Силва Абреу — бразилиялық футзал шебері, 2025 жылдан бастап қазақстандық «Семей» футзал клубының ойыншысы.
Өмірбаяны
Кәсіби мансабы
Педриньо өз мансабын Бразилияның «Марешал Футзал» клубында бастады. Ол бұл командамен 2022 жылы Парана штатының чемпионатын — Série Ouro турнирін жеңіп алды. Сол кезде-ақ жас ойыншы қорғаныста жоғары деңгейін көрсетіп, алаңда сенімді ойнай білді.
2023 жылы «Прайа Клубе» сапына ауысып, қарқынды дамыды. Дәл осы жерде Педриньо футзалдан Бразилия кубогының (Taça Brasil de Futsal) финалында нағыз қаһарман атанып, «Магнус» қақпасына шешуші гол соғып, клуб тарихындағы алғашқы ұлттық титулды алып берді. Сонымен қатар жастар командасында да өнер көрсетіп, көшбасшылардың бірі болды.
2024 жылы «Атлантико Эрешин» құрамына қосылды. Жаңа ұжымға тез бейімделіп, негізгі қорғаушылардың біріне айналды.
2025 жылғы Ұлттық футзал лигасы (LNF) аясында Педриньо команданың үздік ойыншыларының бірі болды және чемпионаттың алғашқы жартысын клубтың ең үздік сұрмергені ретінде аяқтап, 11 гол соқты.
Жетістіктері
- Парана штатының чемпионы (Série Ouro): 2022
- Бразилия кубогының иегері (Taça Brasil): 2023
