Нұсқалар арасындағы айырмашылық: "Қоңыр (өзен)"

00:06, 2026 ж. шілденің 13 кезіндегі нұсқасы

Үлгі:Өзен Үлгі:Мағына Қоңыр – Аршалы өзенінің оң саласы.

Географиялық орны

Ақмола облысы Сандықтау және Бұланды аудандары жерімен ағады.

Бастауы

Жақсытүкті тауының сілемдерінен бастау алып, Новобратское ауылының тұсында Аршалы өзеніне оң жағынан құяды.

Гидрологиясы

Ұзындығы 70 км, су жиналатын алабы 845 км². Өзеннің су жиналатын жоғарғы бөлігі негізі қатпарлы келген жазық, төменгі ағысы делювийлі-пролювийлі жазық. Қар және грунт суларымен толығады. Суы жайылымдарды суландыруға, жайылмалық шалғындар мен бау-бақшаларды суғаруға пайдаланылады.

Топырағы мен өсімдігі

Карбонатты қара топырақтан тұратын алабы жыртылған. Жыртылмаған телімдерінде қызыл қаулы-бетегелі әр түрлі шөптесіндер өскен, жайылмаларда шалғын қалыптасқан.<ref>АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5</ref>

Дереккөздер

Үлгі:Дереккөздер