Нұсқалар арасындағы айырмашылық: "Мақажан Несіпбайұлы Жылқыбаев"

00:14, 2026 ж. шілденің 13 кезіндегі түзету

Үлгі:Тұлға Мақажан Несіпбайұлы Жылқыбаев (1937 жылы 16 наурызда Павлодар облысы Баянауыл ауданында туған) — педагог. Қазақ КСРнің Еңбек сіңірген мұғалімі (1991). Қазақ КСР Халық ағарту ісінің үздігі (1983). Құрмет орденінің иегері (2001).

Толығырақ

• Мақажан Несіпбайұлы Жылқыбаев 1937 жылы 16 наурызда Павлодар облысы Баянауыл ауданында дүниеге келген.
• 1968 жылы Семей қаласындағы Н.К.Крупская атындағы мемлекеттік педагогика институтының қазақ тілі мен әдебиеті пәнінің мамандығын бітірген.

Еңбек жолы

• Еңбек жолын 1957 - 1958 жылдары Чернорецк балалар үйінен бастайды.
• 1958-1962 жылдары Павлодар қаласындағы №9 орта мектепте аға пионервожатый қызметін атқарады.
• 1962-1966 жылдары №3 облыстық қазақ мектеп-интернатында аға тәрбиеші қызметін атқарады.
• 1966-1972 жылдары Красноармейка мектеп-интернатында оқу-ісінің меңгерушісі болып істейді.
• 1972-1982 жылдары мектеп-интернат, арнайы мектеп, балалар үйі саласы бойынша Облыстық білім беру бөлімінде инспектор қызметін атқарады.
• 1982 жылы Павлодар қаласындағы №4 қосымша мектеп-интернатының директоры қызметіне тағайындалды.
• 1986 жылдан бастап Ы.Алтынсарин атындағы дарынды балаларға арналған облыстық қазақ гимназия-интернатының директоры. Бар саналы өмірі мен еңбегін тек бала (ұрпақ) тәрбиелеу ісіне бағыштаған ұстаз-басшы бұл күнде облысқа, республикаға ағарту саласында өзінің мол тәжірбесімен, еңбегімен танымал.
• 1986 жылдан 2007 жылға дейін Ы. Алтынсарин атындағы облыстық қазақ гимназия-интернатының директоры болып қызмет істеді.

Шығармашылығы

• Мақажан Несіпбайұлы Жылқыбаев 40 жылдан астам өмірін болашақтың ұрпағын тәрбиелеу ісіне бағыштады. Ұстаздықтың қилы-қилы баспалдақтарының бәрінен өтіп, “адам мүсіншісі”, “бала бағбаны” аталған ұлы мамандықтың сан сырын, қиын қырын түгелдей толық меңгерген майталман ұстаз. Ұстаздың бұлай сатылай өсуі жемісті табыстарға жол ашты: ұстаздың біліктілігі мен білімі, іскерлігі мен ұйымдастыра білу шеберлігі педагогтік ұжымдарды шебер басқарып, ұжым еңбегін елге таныта білуге жетеледі.

Марапаттары

• 1983 - Қазақ КСР халық ағарту ісінің үздігі
• 1985 - КСРОның "Еңбек ардагері" медалі
• 1991 - Қазақ КСРнің Еңбек сіңірген мұғалімі
• 2001 - ҚР Президентінің жарлығымен Құрмет орденімен марапатталды
• 2008 - Ыбырай Алтынсарин атындағы педагогикалық медалі
• 2011 - "Қазақстан Республикасы тәуелсіздігіне 20 жыл" медалі
• 2016 - "Қазақстан Республикасы тәуелсіздігіне 25 жыл" медалі
• Көптеген құрмет грамоталары мен алғыс хаттармен марапатталған.