Нұсқалар арасындағы айырмашылық: "Бүйрек салт"

11:37, 2026 ж. маусымның 26 кезіндегі нұсқасы

Бүйрек — соғым сойғанда үлкенге сыбаға жіберу, соғым басына шақыру ежелгі жақсы дәстүрлердің бірі. Сонымен бірге мұндай кездерде жас балалар да ұмытылмайды. Жақын таныс көрші адамдар соғым сойғаннан кейін бір-бірінің балаларына әдейі арнап "бүйрек" жібереді. Яғни балаларға лайықтап жүрек, бүйрек араластырып шағын сыбаға жолдайды. Бұл да балалардың көңіл, мерейін өсіретін, ағайын, туысты жақындататын халық тәрбиесінің бір түрі.<ref>Кенжеахметұлы С. Қазақ халқының салт-дәстүрлері. - Алматы: "Алматыкітап баспасы" ЖШС, 2010. -312 бет, суретті. ISBN 978-601-01-0374-0</ref>

Соғым сойылған кезде көрші-қолаңға берілетін шағын сыбаға. Үлкендерге жіберілген сыбағамен қатар таныс, көрші адамдар бір-бірінің балаларына арнап, жүрек, бүйрек араластырып жіберетіндігіне байланысты осылай аталған. Бұл да балалардың мерейін өсіретін, ағайын, туысқа жақындататын мәні бар жоралғылардың бір түрі. Сондай-ақ мал сойғанда жетім-жесірлерге берілетін сыбаға да бүйрек деп аталады.<ref>Қазақтың этнографиялық категориялар, ұғымдар мен атауларының дәстүрлі жүйесі. Энциклопедия. 1-том. – Алматы: DPS, 2011. – 738 б.</ref>

Дереккөздер

Үлгі:Дереккөздер