Нұсқалар арасындағы айырмашылық: "Саламат Әмірұлы Шалабаев"

'''Шалабаев Саламат Әмірұлы''' ([[1924]] жылы туған, Қарақия-Үшқан мекені) – геолог-мұнайшы, ғалым, геология-минерал. ғылымдарының докторы ([[1984]]). [[Ұлы Отан соғысы]]ның ардагері. [[1945]] – [[1960|60]] ж. геолог, мұнай барлау мекемелері бастығының орынбасары болды. [[1960]] – [[1965|65]] ж. Оңтүстік Қазақстан геология басқармасының мұнай, газ бөлімінің бастығы, [[1965]] – [[1972|72]] ж. Қазақ КСР-і Министірлік Кеңесінің ауыр өнеркәсіп бөлімінің орынбасары, [[2001]] – [[1991|91]] ж. республикалық экономика институтының мұнай, газ қазба байлығы проблемалары бөлімінің меңгерушісі, [[1991]] жылдан «Жаңа майдан» атты дүниежүзілік мейірімділік қорының Қазақстан, Орта Азия аймағы бойынша президенті және мұнай-газ интеграциясы ғылыми-өндірістік фирмасының төрағасы. Шалабаев [[Жамбыл облысы]] аймағындағы азот-гелий кенін ашуға, [[Жамбыл облысы|Жамбыл]], [[Түркістан облысы|Оңтүстік Қазақстан]], [[Қызылорда облысы|Қызылорда]], [[Алматы облысы|Алматы]] облыстарынан мұнай-газ барлау жұмыстарын жолға қоюға ат салысты. Каспий қайраңы, Батыс Түрікменстан, [[Үстірт]], [[Маңғыстау]], [[Шу]] – [[Сарысу]] ойпаты аймағының мұнай, газды мезозой және жоғарғы палеозой қабаттары жөніндегі 80-нен аса ғылыми мақалалардың авторы. Ол Қазақстанның мұнай-газ өндірістерін дамыту мен орналастырудың [[2000]] жылға дейінгі сұлбасын жасаған. Шалабаев зерттеулері мен ұсыныстары мұнай-газ кен байлығын барлау, кен орындарын ашу, оны тиімді пайдаланудың көп жылдық ғылыми-тәжірибелік зерттеулерін қорытып, келешекте Маңғыстауда геология-геофизика жұмыстар көлемін көбейтудің маңызы зор екендігін дәлелдеген. ==Дереккөздер==