Нұсқалар арасындағы айырмашылық: "Екпе шытыр"

'''ЕКПЕ ШЫТЫР''' ('''''Lepіdіum satіvum''''') – орамжапырақ тұқымдасына жататын бір жылдық шөптесін [[өсімдіктер|өсімдік]]. [[Алматы облысы|Алматы]], [[Жамбыл облысы|Жамбыл]], [[Түркістан облысы|Оңтүстік Қазақстан]] облыстарында өсіріледі. Биіктігі ''30 – 50 см'', сабағы тік, төменгі [[жапырақ]]тары қауырсын тәрізді, шеті иректелген. Ұсақ, ұзынша шашақ гүлдері ақ, ақшыл күлгін не қызғылт түсті. Жемісі – [[жұмыртқа]] тәрізді қанатты бұршаққын. Дәні – ақшыл-қоңыр. [[Сәуір]] – [[мамыр]]дан шілдеге дейін гүлдейді. Екпе шытыр – суыққа төзімді, тез толысатын өсімдік. Ылғалды жерде жақсы өседі. Топырақ құнарлығын талғамайды. Тұқымын ерте көктемнен бастап ''0,5 – 1 см'' тереңдікте, жүйек арасын ''20 см'' етіп егеді не шашып тастайды. ''1 м2'' жүйекке ''20 г'', ал шашып ексе ''30 – 50 г'' тұқым қажет. 2 – 3 аптадан кейін, өсімдіктің биіктігі ''6 – 9 см'' болғанда жапырақтарын жинайды. ''1 га-дан'' ''40 – 50 ц'' жапырақ жиналады. Ол [[калий]] және [[кальций]] тұздарына бай, құрамында [[С витамині]], [[каротин]], [[йод]], [[темір]] бар. Сабағы мен жапырағы тағамға пайдаланылады.