Нұсқалар арасындағы айырмашылық: "Дихан (оба)"

19:47, 2026 ж. шілденің 12 кезіндегі нұсқасы

Дихан – қола дәуірінен сақталған обалар тобы, Алматы облысының жергілікті маңызы бар тарих және мәдениет ескерткіштерінің мемлекеттік тізіміне енген археология ескерткіші.

Орналасқан жері

Еңбекшіқазақ ауданы, Диқан ауылынан оңтүстік-шығысқа қарай 0,75 км, Шелек өзенінің сол жағалауында орналасқан.

Сипаты

1956 жылы Орта Азия археологиялық экспедициясы (жетекші Е.И. Агеева) зерттеген.
Д-1 обалар тобында тас араласқан топырықтан үйілген 15 оба бар. Олардың диаметрі 4-10 м, биіктігі 0,1-0,3 м. Қазылған бір обаның астынан адам сүйегі шыққан. Мәйітті батыстан шығысқа қарата жерлеген. Д-2 обалар тобында солтүстіктен оңтүстікке қарай тізбектелген 189 оба бар. Бәрі де тас аралас топырақтан үйілген. Олардың диаметрі 8-50 м, биіктігі 1-2,5 м. I-III ғасырларға жататын бұл обалардың үшеуі зерттелген. Обаның астындағы қабірден адам сүйегі шыққан. Мәйіт басы батыстан шығысқа қаратылып қойылған.
Қабірден саз ыдыстар, қола сырғалар, темір жүзіктер, қойдың сүйектері табылған.<ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>

Әдебиет

• Акишев К.А., Агеева Е.И., Археологические работы 1956 года, "Из-вестия АН КазССР, Серия историческая, археологическая и этнографическая", в.1, 1958;
• Максимова А.Г., Усуньские курганы Левобережья реки Или, "Изве-стия АН КазССР, Серия историческая, археологическая и этнографическая", в.1, 1959.

Дереккөздер

Үлгі:Дереккөздер