Moderator: 1 түзету

2025-04-25T18:56:16Z

1 түзету

ArystanbekBot: /* Тарихы */clean up, replaced: 1998 ж., → 1998 жыл, using AWB

2014-05-30T14:20:40Z

‎Тарихы: clean up, replaced: 1998 ж., → 1998 жыл, using AWB

Жаңа бет

'''Әліппе'''– сауат ашу оқулығы. Араб әліпбиінің алиф және би деген екі әрпінен құралған. 19 – 20 ғасырларда әліппелер араб және орыс әліпбиімен жазылды. [[Байтұрсынов|А.Байтұрсыновтың]] oқу құралы ([[1912]]), Жаңа Әліпбиі ([[1926]]) өз заманына лайық әліппе жасаудың озық үлгісі болды.

==Тарихы==
Сауат ашу Қазақстанда сан ғасыр бойы араб әліпбиі арқылы жүргізілді. 19 — 20 ғасырларда оқу-ағарту саласының 2 түрлі бағытта болуына байланысты ([[медресе]]лер, орыс-қазақ мектептері) әліппелер де араб және [[орыс]] әліпбиімен жазылды. Қазақтың тұңғыш ағартушысы, [[педагог]] [[Алтынсарин|Ы.Алтынсариннің]] “[[Қазақ хрестоматиясы]]” ([[Орынбор]], [[1864]]), “Қазақтарға орыс тілін үйретудің бастауыш құралы” (Орынбор, 1871) оқулықтары тұңғыш рет орыс әліпбиімен жарық көрді. Алайда “Қазақ хрестоматиясы” сауат ашуға арналған әліппе емес, оқу мен жазуды меңгерген балалардың алған білімі мен дүниетанымын дамытуды көздейтін оқулық етеді. Бұдан кейін [[Алекторов|А. Е. Алекторовтың]] “К мудрости ступенька. Азбука для учеников начальных русско-казахских школ” ([[1891]]), [[Васильев|А. В. Васильевтің]] “Букварь для киргизских школ” ([[1912]]) сияқты тағы басқа әліппелер жарық көрді. Олар екі бөлімнен (қазақша және орысша) тұрды. Оның авторлары [[Ушинский|К. Д. Ушинскийдің]] басқа [[ұлт]] балалары [[орыс тілі]]н саналы меңгеру үшін өзінің ана тілінде сауат ашуы қажет деген қағидасын ұстанды. Бірақ қолданылған әліппелер қазақ тілінің дыбыстық ерекшеліктерін түгел бере алмады.20 ғасырдың басында халқының сол кездегі тағдырына ой жіберіп, болашағын парасатпен бағдарлай алатын қазақ зиялылар қауымы өсіп-жетілді. Олар халықты сауаттандырып, өркениетті ел қатарына қосуға күш салды. Түркі зиялыларын біріктірген “Жәдитшілер ұйымының” бір топ мүшелері қазақ мектептері үшін жаңа оқулықтар жазды. [[Қазақ]] балаларын оқу мен жазуға төте жолмен үйретуді көздеді. [[Нұрбаев|М. Нұрбаевтың]] “Әліппесі” (Уфа, [[1910]]), [[Ерғалиұлы|З. Ерғалиұлының]] “Қазақ әліппесі” (Қазан,[[1910]]), [[Малдыбаев|М. Малдыбаев]] пен [[Аңдамасов|Ж. Аңдамасовтың]] “Қазақша ең жаңа әліппесі” (Қазан, [[1912]]),[[Сырғалин|К. Сырғалиннің]] “Қазақша әліппе кітабы” (Қазан, [[1913]]) тағы басқа осындай серпелістен туған алғашқы оқулықтар еді. Алайда бұл аталған оқулықтар кең қолданыс таба алмады. Ал ғұлама ғалым [[Байтұрсынов|А. Байтұрсыновтың]] жаңа [[әліпби]] (төте жазу) үлгісімен жазылған. “Оқу құралы” (Орынбор, [[1912]]) қазақ мектептерінің әліппеге деген сұранысына толық жауап берді. Онда шәкірттердің сөздік қорын барынша сауат ашу мақсатына тиімді пайдалану мақсаты көзделді. Қазақ тіліндегі сөздердің дыбысталу ұқсастықтары мен ерекшеліктері ескерілген ұтымды әдіс қолданылды. Сондай-ақ бір дыбысы ғана өзгерген сөздердің мағыналарын ажырату арқылы сөздің мағынасын нақтылау, қолдану дағдысы қалыптастырылды. Ана тіліміздің бай сөздік қоры, сөздердің қолданылу ерекшеліктері қарастырылды. [[1925]] жылы А. Байтұрсынов әдістемелік жаңалықтарды ескере отырып, қазақ бастауыш мектептеріне арналған “Жаңа Әліп-биді” (Қызылорда 1927) ұсынды. [[Оқулық]] өз заманына лайық “Әліппе” жасау ісінің озық үлгісі болды. Әліппеде сауат ашумен бірге балалардың ойы мен тілін дамыту, байланыстырылып сөйлеу дағдыларын жоғары деңгейде қалыптастыру мәселелері дидактикалық және әдістемелік тұрғыдан жетік шешімін тапты. “Жаңа Әліп-биге”: а) баланың өз атынан баяндалатын мектеп өмірі жайлы әңгімелер, ә) балаларды адамгершілікке, ізгілікке, тазалыққа тәрбиелейтін әңгімелер мол енгізілді. Жалпы А. Байтұрсынов отандық білім беру ісі тарихында оқушылардың ойы мен байланыстырып сөйлеуін дамыту жұмысына зор мән берген, осы мақсатқа жетудің жолын нақты тәжірибе жүзінде дәлелдеген алғашқы қазақ ғалымы болды. Саяси себептердің салдарынан “Жаңа әліп-би” 20-жылдардың аяғына дейін ғана қолданылды. Мұнан кейін [[Шонанов|Т. Шонановтың]] “Жаңалық” (Әліппе, Қызылорда, 1929) және Т. Шонанов пен [[Жолдыбаев|М. Жолдыбаевтың]] “Жаңа арна” (Қызылорда, [[1927]]) әліппелері жарық көрді.
30-жылдардың басында жалпыға бірдей міндетті [[бастауыш білім]] беру жөніндегі үкіметтің қаулы-қаралары [[Кеңес Одағы]]ның аумағындағы мектеп оқулықтарының мазмұны мен құрылымы біртекті болуын қатаң бақылауға алды. Осы себеппен алғашқыда латын әліпбиімен, кейін кирилл әліпбиімен жарық көрген [[Кеңесбаев|С. Кеңесбаевтың]] әліппесі орыс мектептеріндегі “Букварға” тым ұқсас болды. Бұл әліппе жиырма жылға жуық бірнеше ұрпақтың сауатын ашты. 1952 — 63 жылдары аралығында авторлар тобы (С. Кеңесбаев, Н. Миршанов, Ә. Байділдин, Ғ. Бегалиев) құрастырған, 12 басылымы жарық көрген. Әліппе қазақ білім беру жүйесінің сауат ашу тарихында елеулі із қалдырды. Әдістемелік еңбектерде “Н. Миршанов әліппесі” деп аталған бұл әліппе сауат ашудың дыбыстық талдау-жинақтау әдісімен жазылды және сауат ашу жұмысын ғылыми жүйелеп, кезең-кезеңге бөлген, оның әр кезеңінде жүзеге асырылатын мақсаттар мен міндеттерді айқын белгілеген оқулық болды. Әліппелердің кезеңдік саяси-қоғамдық өзгерістерге сәйкестігі, саяси идеяларға жауап беретіндігі ескерілетіндіктен, олар жиі алмастырылды. [[1964]] жылы “Н. Миршанов әліппенің” орнына М. Төрежанов пен З. Әйтенованың әліппесі ұсынылды. Бірақ оқулықта саяси әсірелікке көбірек мән берілуіне, [[тіл]] дамытуға арналған мәтіндердің тапшы болуына байланысты әліппе төрт жылдан кейін қолданыстан шығып қалды. [[1967]] жылы жарық көрген жаңа әліппенің жазылуына (авторлары [[Төрежанова|З. Төрежанова]],[[Төрежанова|М. Төрежанова]],[[Жұбанова|М. Жұбанова]]) сауат ашу кезеңінің 6 айдан 3 айға дейін қысқартылуы себепші болды.<ref>Қазақ тілі. Энциклопедия. Алматы: Қазақстан Республикасы Білім, мәдениет және денсаулық сақтау министрлігі, Қазақстан даму институты, 1998 жыл, 509 бет. ISBN 5-7667-2616-3</ref> Әліппе мазмұнын жаңаша құруға [[қазақ тілі]], [[фонетика]] ғылымының, [[педагогика]], [[психология]], ғылымдарының соңғы табыстары негіз болды. 1984 жылы Кеңес Одағы мектептерінде алты жастан бастап оқытуға көшу оқулықтардың жаңа кешенін әзірлеуді қажет етті. Сауат ашу кезеңін бір жыл бойы жүргізуге есептелген әліппе (авторы Ш. Әуелбаев) екі жыл ғана қолданыста болды. Әліппеде алты жастағы балалардың физиология, психология қабылдау ерекшеліктерін ескермеу, грамматика ұғымдарды ерте бастан үйретуге әуестену сауат ашу жұмысына едәуір қиындық келтірді. Сондықтан [[1986]] жылы толықтырылған авторлар құрамымен (Ш. Әуелбаев, М. Жұбанова, М. Төржанова, З. Әйтенова) жаңа әліппе жарық көрді. Бұл оқулықта ресми бекітілген оқу бағдарламасының талаптары ескерілгенмен кемшіліктері де болды. [[1990]] жылы білім Министірінің әліппелерге жариялаған конкурсының жеңімпазы болған М. Жұбанованың әліппе оқулығы 1992 — 93 жылдары оқу жылынан бастап қолданылды. Әліппеде балалардың ойы мен тілін дамытуға назар аударылып, олардың дүниетанымын кеңейтуге барынша мән берілді. Әліппе мазмұны дидактикалық-әдістемелік, тақырыптық-сюжеттік нақтылығымен ерекшеленді. Бұл оқулық 1997 жылға дейін негізгі сауат ашу құралы ретінде қолданылды. [[1995]] жылы бастауыш сыныптардың жаңа оқу бағдарламасына орай сауат ашу кезеңі 1 жылдан 6 айға қысқартылып, жаңа әліппе (авторлары [[Әуелбаев|Ш. Әуелбаев]],[[Наурызбаева|Ә. Наурызбаева]], [[Қзғұттынова|Р. Қзғұттынова]], [[Құлажанова|А. Құлажанова]]) жарық көрді. Әліппеде балаларды жас кезінен халқымыздың дәстүрлі [[дүниетаным]]ы мен әдет-ғұрыпына баулу, отаншылыққа және адамгершілікке тәрбиелеу мақсаты көзделді.

==Дереккөздер:==
Қазақстан энциклопедиясы 1-том
== Дереккөздер ==
<references/>
{{Суретсіз мақала}}

{{wikify}}

[[Санат:Қазақ тілі]]
[[Санат:Кітаптар]]

{{stub}}

← Ескі түзетулер	18:56, 2025 ж. сәуірдің 25 кезіндегі түзету
(айырмашылығы жоқ)

Әліппе - Түзету тарихы

Moderator: 1 түзету

ArystanbekBot: /* Тарихы */clean up, replaced: 1998 ж., → 1998 жыл, using AWB