Moderator: 1 түзету

2025-04-25T17:54:20Z

1 түзету

Batyrbek.kz: clean up, replaced: энцклопедия → энциклопедия using AWB

2016-01-21T13:15:25Z

clean up, replaced: энцклопедия → энциклопедия using AWB

Жаңа бет

{{Қорық аймақ
| name = Үстiрт қорығы
| iucn_category = Ia
| image = Kazakhstan locator blank.svg
| caption =
| locator_x = 52
| locator_y = 117
| location = {{KAZ}}, [[Маңғыстау облысы]], [[Қарақия ауданы]]
| lat_degrees = 42
| lat_minutes = 28
| lat_seconds = 00
| lat_direction = N
| long_degrees = 54
| long_minutes = 32
| long_seconds = 00
| long_direction = E
| area = 223 342 [[га]]
| established = [[1984]] жылдың [[шілденің 12]]
| governing_body = Орман және аңшылық шаруашылығы комитеті
| world_heritage_site =
| website =[http://www.ustirt.kz/index.php/kz/ Ресми сайты]
}}

'''Үстірт қорығы'''<ref name="source1">«Қазақстан»: Ұлттық энциклопедия / Бас редактор Ә. Нысанбаев – Алматы «[[Қазақ энциклопедиясы]]» Бас редакциясы, 1998 ISBN 5-89800-123-9, IX том</ref> — [[Қазақстан]]ның оңтүстік-батысындағы табиғи кешенді қалпында сақтау мақсатымен [[1984]] жылы құрылған мемлекеттік [[шаруашылық]]. <br />
[[Маңғыстау облысы]]ңдағы [[Қарақия ауданы]] жерінің аумағы 223,3 мың га.

==Тарихы==
Үстірт мемлекеттік табиғи қорығы [[1984 жыл]]дың [[12 шілде]]сінде [[Қазақ КСР]] Министрлер Кеңесінің № 294 қаулысымен ұйымдастырылған.

==Мақсаты==
Үстірт қорығы - қазақстанның Батыс өңіріндегі жалғыз қорық. [[1984 жыл]]ы ұйымдастырылған қорықтың негізгі мақсаты - шөл зонасының табиғат кешенін табиғи түрінде сақтап қалу. Үстірт мемлекеттік табиғи қорығында ландшафтың алуан түрі кездеседі. Қорықта қорғау, ғылым, ақпарат және мониторинг экологиялық ағарту және туризм бөлімі, табиғат мұражайы және есеп бөлімі жұмыс жасайды. Үстірт қорығының ғылым, ақпарат және мониторинг бөлімінің аға, кіші, ғылыми қызметкерлері бекітілген тақырыптар бойынша ғылыми - зерттеу жұмыстарын жүргізуде.

Қорық аумағында мекендейтін аң - құстарды, өсімдіктердің дамуын зерттеу, олардың өсіп өнуін үнемі қадағалай отырып, бір жүйеге келтіру тізімдеп, талдап, қорғау жұмыстарын ұйымдастыруға ғылыми негіз жасау қорықтың ғылым, ақпарат және мониторинг бөлімінің негізгі атқаратын жұмыстары.

Қорық республикалық маңызы бар табиғат қорғау және ғылыми мекеме мәртебесі бар ерекше қорғалатын табиғи аумақтардың ең жоғары санатына жатады.Ұйымдастырылу мақсаты қорық аумағындағы табиғи процестер мен құбылыстардың табиғи барысын, өсімдіктер мен жануарлар дүниесі объектілерін, өсімдіктер мен жануарлардың жекелеген түрлері мен қауымдастықтарын, әдеттегі және бірегей экологиялық жүйелерді сақтау мен зерделеу және оларды қалпына келтіру болып табылады.

==Географиясы==
Үстірт мемлекеттік табиғи қорығы Маңғыстау облысының Қарақия ауданында 223,342 гектар аумақты алып жатыр. Өзінің құқықтық қорғау режиміне сәйкес, қорықтық және күзетілетін өңірлерге бөлінеді. Үстірт қорығы Қарақия ауданының шығыс бетінде, Батыс [[Үстірт]] жонының [[Қараған]] босаға, [[Көкесем]], [[Кендірлі]], [[Елшібек]] сияқты ұшпа шыңдары мен жарқабақты таулары және [[Қарынжарық]] құмымен [[Сақсорқа]] құмын жағалай орналасқан.Үстірт шыңдарының бедері алуан түрлі. Олар Кендірлі сорын үш жағынан қоршай жиектеп, тік құлама жарлы болып келеді.

Кендірлі сорын қоршаған таға пішіндес бірнеше ғажайып қыраттар ғасырлар бойы [[жел]], [[су]] [[эрозия]]сына ұшырап, қатты өзгерген. Сыртынан қарағанда, табиғаттың өзі салған керемет бір құрылысқа ұқсайды: мұнда пышақ кескендей тік, биіктігі 200 м-ден астам құлама жартастар, төбелері теп-тегіс не конус тәрізді мұнара сияқты төмпешіктер, ежелгі геологиялық дәуірлер куәсі — [[ақ]], [[көк]], [[қызыл]] қабаттардан тұратын, үстінде біздей қондырғылары бар ұлутас тәрізді “қамалдар” да жеткілікті. <br />
Сондай-ақ қорықта ерекше бір қақпалар, аса үлкен емес қос тесікті үңгірлер, диаметр 5 м-дей домалақ тастары бар алаңдар да көп.

Бұрын теңіз түбі болған [[Үстірт]]ет ежелгі заман [[жануарлар]]ының қалдықтары (мысалы, мүйіз сауыт, сүйек, тіс, олардың іздері), алғашқы адамдар пайдаланған [[қару-жарақ]]тар табылған. Мұнда [[жануарлар]] мекендеген қоршаулар да кездеседі.

==Жануарлар және өсімдіктер әлемі==
Жер бедері мен топырағының әртүрлі болуына байланысты, қорықтың өсімдіктер дүниесі де сан алуан болып келеді. Қазіргі уақытта қорық аумағында өсімдіктің 336 түрі, [[сүтқоректілер]]дің 29 түрі, [[бауырымен жорғалаушылар]]дың 15 түрі, [[құстар]]дың 166 түрі, [[қос мекенділер]]дің 1 түрі кездеседі.Соның ішінде Қызыл Кітапқа енгендер: өсімдіктерден – [[бор рияңы]], [[кәдімгі жұмсақ жеміс]], [[хиуа сораңы]], [[майда қатыран]], [[берік сүттіген]]; құстардан – [[бүркіт]], [[жұртшы]], [[ителгі]], [[үкі]], [[жорға дуадақ]], [[лашын]], [[қарабауыр бұлдырық]], [[дала қыраны]], [[қарабай]], [[жылан жегіш қыран]], [[қарақұс]], [[қоқиқаз]], [[сұр тырна]], [[сақалтай]], [[қылаң қарабас шағала]], [[қылқұйрық бұлдырық]], [[жалбағай]], [[кішкене аққұтан]] ; бауырымен жорғалаушылардан – [[төрт жолақты қарашұбар жылан]]; сүтқоректілерден – [[арқар]], [[қарақұйрық]], [[қарақұлақ]], [[сабаншы]], [[итаю]], [[шұбар күзен]], [[шағыл мысығы]], [[ақбауыр жарқанат]].
==Тарихи-табиғи ескерткіштер==
Қорық аумағында табиғи – тарихи ескерткіштер көп кездеседі. Географиялық орналасуына, геологиялық құрылымына қарай ерекше жаратылған Қарамая тауы мен Көкесем шатқалдары – басқа еш жерде қайталанбайтын құбылыстар.

*'''[[Қарамая]]''' – түсіне және орналасу пішініне қарай аталған, шығыстан батысқа қарай созылып жатқан тау жоталарының атауы. Зерттеушілердің пікірінше ежелгі мұхит түбіндегі вулкандық жарылыстардың әсерінен түзілген. Тау жыныстары мен топырақ жамылғысының айналасынан өзгешелігі – бұл пікірді растай түседі.

*Алуан түсті '''[[Көкесем шатқалдары]]''' – қорық аумағындағы тұщы су көздері бар, табиғаты әсем, ерекше түзілімді мекен атауы. Үстірт жонының батысқа еңкіштей құлаған, қатты тілімденген шатқал сайлары – тау табиғатын ажарландырып тұр. Шың етегінде Көкесем тұщы су бұлағы және шың басында Көкесем құдығы бар.Суының дәмділігіне байланысты «Ойда талақ, қырда Көкесем» деп айтылатын аңыз ауыз екі тілде ұмытылмай келеді.

''Тарихи ескерткіштерден'' – Балуанияз, Көкесем қорымы және әлі зерттелмеген Табан - Ата деп аталып жүрген ескі қорым тіркелген.

*'''[[Балуанияз]]''' - [[19 ғасыр|ХIХ ғасыр]] [[Маңғыстау]] [[адай]]лары мен [[түрікмендер|түрікмен]] тайпалары, [[Хиуа]]лықтардың арасындағы соғыстарда ерекше көзге түскен, Балықшы руының батыр атағын алған тұлға. Ескі атаулары Қалмақ үйген, Қараоба (Қалмақ үйген Қараоба болуы да мүмкін) деп аталатын төбенің басына жерленген. Қазір бұл төбе батыр атымен аталады.

*'''[[Көкесем қорымы]]''' - Көкесем құдығынан шығысқа қарай 1 км. жердегі төбе басында орналасқан. [[10 ғасыр|Х ғасыр]] ескерткіштерінен басталатын 200 – ге тарта нысандар тіркелген. Мемлекеттік қорғауға алынған, зерттеуді қажет етеді.

==Сілтемелер==
Мырзабеков Ж.М., Особо охраняемые природные территории Казахстана, Алматы, 2000.

==Дереккөздер:</span>==
<references/>

{{Қазақстан ЕҚТА-лары}}

{{wikify}}

[[Санат:Қазақстан қорықтары]]
[[Санат:Үстірт (Маңғыстау)]]

{{stub}}

← Ескі түзетулер	17:54, 2025 ж. сәуірдің 25 кезіндегі түзету
(айырмашылығы жоқ)

Үстірт қорығы - Түзету тарихы

Moderator: 1 түзету

Batyrbek.kz: clean up, replaced: энцклопедия → энциклопедия using AWB