Kasymov: clean up, replaced: В. Бартольд → Василий Владимирович Бартольд using AWB

2016-11-02T18:55:17Z

clean up, replaced: В. Бартольд → Василий Владимирович Бартольд using AWB

Жаңа бет

{{otheruses|Жүз}}
[[Сурет:Жуз.svg|thumb|500 px|[[20 ғ.|XX ғасырдағы]] қазақ жүздерінің орналасу аумақтары (жуықтап).
{|
|{{Legend|#ccff99|[[Кіші жүз]]}}
|{{Legend|#fdd99b|[[Орта жүз]]}}
|{{Legend|#ffaaaa|[[Ұлы жүз]]}}
|}
]]

'''Жүз''' — орда, [[Қазақтар|қазақ халқының]] үш рулық-тайпалық бірлестіктерінің ортақ атауы. Дәстүрлі қазақ қоғамы '''үш жүзден''' тұрады: [[Ұлы жүз]], [[Орта жүз]], [[Кіші жүз]].<ref name=kaz10>[[Қазақстан тарихы]]: Жалпы білім беретін мектептің қоғамдық-гуманитарлық бағытындағы 10-сыныбына арналған оқулық / Ә. Төлеубаев, Ж. Қасымбаев, М. Қойгелдиев, т.б. — [[Алматы]]: "Мектеп" баспасы, [[2006]]. — 232 бет. ISBN 9965-33-633-4</ref>

== Жүздік құрылым туралы ==

Дәстүрлі қазақ қоғамы үш жүзден тұрады: Ұлы жүз, Орта жүз және Кіші жүз. Жүздердің шыққан уакыты, шығу себептері, ішкі мазмұны жөнінде ғалымдардың арасында әлі ортақ пікір жоқ.

'''''[[Ш. Уәлиханов]]тың''''' пікірі бойынша, "[[Алтын Орда]] мемлекетінің ыдырауы кезінде қазақтар өздері көшіп жүретін жерлердегі өз құқықтарын қамтамасыз ету үшін осындай үлкен одақтар құрған". Н.А.Аристовтың ойынша, "жүздерге бірігу жоңғар шапқыншылығы кезінде шыққан".

'''''[[Василий Владимирович Бартольд]]:''''' "Қазақ жүздерінің пайда болуына [[география]]лық фактор әсер етті, табиғи-географиялық жағдайға икемделу және аумақтық оқшаулану жүздердің мәдени-шаруашылық ерекшеліктерін қалыптастырды", — деп есептейді.

'''''[[Михаил Порфирьевич Вяткин]]''''' В.В.Бартольдпен келісе отырып: "Жүздердің құрылуына табиғи-географиялық себептермен қатар саяси оқиғалар әсер етті, жекелеген ордалар ерекше саяси одақтар ретінде [[16 ғ.|XVI ғасырдың]] аяғында қалыптасты", — дейді.

'''''[[С. Аманжолов]]:''''' "Қазақ елі, жері үш жүзге моңғолдарға дейінгі кезеңде — X—XII ғасырларда бөлінді", — деп есептейді.

Шығыстанушы '''''[[Тұрсын Икрамұлы Сұлтанов]]''''' жүздердің құрылуы жөнінде нақты деректердің тапшылығын айта келіп: "[[16 ғ.|XVI ғасырдың]] екінші жартысында ұлыс жүйесі біртіндеп жүздерге ауысқан", — деген болжам айтады.

Жүз ұғымының мәні де толық ашылған жоқ. Біраз зерттеушілер қазақтың "''жүз''" деген сөзін арабтың "''джуз''" — бір нәрсенің "басты бөлігі", "тармақ" деген сөзімен сәйкестендіреді. Шығыс деректерінде жүздер жөніндегі жанама мәліметтер XVII ғасырдың ортасына қарай кездеседі. Махмүд бен Уәлидің [[1634]]—[[1641]] жылдарда жазылған еңбегінде: "[[Шайбани хан]] өлгеннен кейін оның ұлы Баһадүр осы ел мен ұлысқа басшылық ете бастады... ол қыстауы мен жайлауы үшін Ақ Орданы таңдап алды, ол әрі Йүз-Орда ретінде де белгілі", — дейді. Осы [[дерек]]те кездесетін йүз (жүз) сөзін кейбір зерттеушілер қазақтың жүзімен теңестіреді.

'''''[[М. С. Мұқанов]]тың''''' пайымдауынша, қазақтың жүздері этноәлеуметтік ағзаның жоғары санаттарының бірі. "''Этноәлеуметтік организм''" деп этностық, әлеуметтік, шаруашылық, саяси бірлестіктерді түсінеміз.

'''Қазақ жүздерінің мынандай ішкі белгілері бар:'''

* а) ішкі аумақтық тұтастық;
* ә) этностық туыстық;
* б) шаруашылық-мәдени бірлік;
* в) саяси басқару ортақтастығы.

Осы ішкі белгілердің мәнін аша түсейік. Әрбір қазақ жүзінің тарихи қалыптаскан [[Аумақ|аумағы]] бар. Мысалы, Ұлы жүздің таралған аймағы — [[Жетісу]] мен Оңтүстік Қазақстан; Орта жүздікі — Орталық, Шығыс, Солтүстік Қазақстан; Кіші жүздікі — Батыс Қазақстан. Қазақтың бір жүзге кіретін тайпалары өзара туыстас, тіпті бір атадан тарадық деп есептейді. Белгілі бір географиялық ортада, аумақта өмір сүргендіктен, жүздің [[құрам]]ына кіретін тайпалардың өз арасындағы шаруашылық-экономикалық байланыстар басқа жүздерге қарағанда күштірек болады. Осы ішкі байланыстардың пәрменділігінің нәтижесінде белгілі бір тілдік-диалектілік, тұрмыстық-ғұрыптық ішкі тұтастық, өзара жақындық қалыптасады. Жүздер сонымен [[қатар]] басқарылуы жағынан да ішкі тұтастығымен ерекшеленеді. Әр жүздің өз төбе билерінің болғанын білеміз. Хандық заманда әр жүз өз хандарын сайлап отырғаны белгілі.

Қазақ жүздері күнделікті [[тіршілік]]те қазақ халқының шаруашылық, саяси аумақтық бөлшектері болды. Тыныштық замандарда ішкі этностық байланыстардың, қатынастардың көпшілігі жүздердің өз ішінде жүріп жатты. Дегенмен бұдан қазақ жүздерінің арасында саяси, шаруашылық-мәдени, этностық [[байланыс]]тар болмады деген [[түсінік]] тумауы керек. Көшпелі [[мал шаруашылығы]]мен айналысатын, отырықшы не жартылай отырықшы ру-тайпалардың арасында өзара айырбас, сауда қатынастары жиі болды. Жүздердің көршілес жатқан руларының арасында құдандалық, тамырлық [[қатынас]]тар да өркендеді.

Ішкі шекаралас аудандарда жер дауы, жесір дауы мәселесі де болып тұрды. Сондықтан жүздердің ішкі шекаралық аудандары қазақ халқының өзара мәдени, тілдік, тұрмыстық, [[шаруашылық]] бірлігіне дәнекер болған алтын көпір, үзілмес желі қызметін атқарды. Ал ел басына күн туған [[Патриотизм|жағдайда]], сыртқы жаулардан қорғану [[мәселе]]сінде қазақ жүздері жұдырықтай жұмыла білді. Ол кезде "мынау бәлен жүздің жері, елі" деп бөлінбеді, бүкіл қазақ жері, қазақ елі үшін қай жүздің [[бала]]сы болсын, жанын қиюға даяр тұрды. Қазақ жүздерінің ішкі бірлігінің, жалпықазақтық [[патриотизм]]нің, елдіктің озық үлгісін біз [[Жоңғар]] шапқыншылығы [[оқиға]]ларынан көреміз. Мұндай мысал көптеп саналады. Қазақ жүздерінің қордаланып қалған ішкі, сыртқы мәселелері жүздердің басы қосылған құрылтайларында, жиындарында шешіліп отырды.

Жүздер жөніндегі нақты деректер XVIII ғасырдың бірінші ширегінен бастап кездеседі. [[1731]] жылы қазақтардың бодандығы жөніндегі келіссөзге Кіші жүз арасына келген А.Тевкелев былай деп хабарлайды: "... қырғыз-қайсақ ордасы үш бөліктен, атап айтканда: Ұлы жүз, Орта жүз, Кіші жүзден (Үлкен орда, Орта орда, Кіші орда) тұрады".

Үштік бөлініс қазақ жерін мекендеген көне [[тайпа]]лардан келе жатқан дәстүр. Сақтар: тиграхаудау хаомаварға және парадарайя болып үш бөлікке бөлінген. Көне үйсіндерде, көне түркі-моңғол көшпенділерінде үштік одаққа бөліну [[Патриотизм|дәстүрі]] болған. Бұдан біз, жалпы, үштік [[бөлініс]] қазақтардың арғы тектерінің дәстүрінде бар екенін көреміз.

Кең-байтақ қазақ жерінде мұндай үлкен [[одақ]]тар құру саяси, әскери-қорғаныс, шаруашылық-ұйымдастырушылық, басқару қажеттіліктерінен туындаған. Мұндай одақтар қазақ жерінде қыпшақтар [[заман]]ын бастап құрылған болуы керек. Ал мұндай жүздік одақтарға бөлінудің аякталуы қазақ халқының құрылуы кезеңімен сәйкес келсе керек.<ref name=kaz10/>

== Ұлы жүз тайпалары ==

'''Қазақ шежіресі бойынша Ұлы жүз мынадай тайпалардан тұрады:'''
* [[сарыүйсін]];
* [[шапырашты]];
* [[ошақты]];
* [[ысты]];
* [[албан]];
* [[суан]];
* [[дулат]];
* [[сіргелі]];
* [[қаңлы]];
* [[жалайыр]];
* [[шанышқылы]].

Ұлы жүз тайпаларының негізгі таралған аймағы — Жетісу, Шу, Талас өңірлері, Қаратау, Сырдарияның орта ағысы. XIX ғасырдың аяғында Ұлы жүз қазақтарының саны 700 мыңдай болды.<ref name=kaz10/>

=== Сарыүйсін ===
{{main|Сарыүйсін}}
''Сарыүйсіндер'' Іле өзенінің сол жағалауын, Іле Алатауының баурайларын, Талас өзенінің оң жағалауын, Қорағаты өзенінің екі бойымен Шуға құяр сағасына дейінгі жерлерді мекендеген. Ұраны — Бақтияр, Байтоқ.

=== Шапырашты ===
{{main|Шапырашты}}
''Шапыраштылар'' Іленің бойының сол жағалауындағы тармақтарын, Шу өзенінің оң жағалауында, Іле Алатауының бөктерлерінде өмір сүрді. Ұраны — Қарасай.

=== Ошақты ===
{{main|Ошақты}}
''Ошақтылар'' Таластың төменгі ағысын, Қаратаудың оңтүстік-шығыс баурайын жайлаған. Ұраны — Жауатар.

=== Ысты ===
{{main|Ысты}}
''Ысты'' — Балқаш көлінің солтүстік өңірі мен Жамбыл облысы аумағында орналасқан. Ұраны — Жауатар.

=== Албан ===
{{main|Албан}}
''Албандар'' Жетісуда, Алтынемел жонының оңтүстік-шығыс белігінде, Іле Алатауының теріскей бөктерінде, Іленің жоғарғы жағында, Текес, Шарын өзендерінің бойында қоныстанған. Ұраны — Райымбек.

=== Суан ===
{{main|Суан}}
''Суандар'' Жетісудың Алтынемел бөктерінде, Жоңғар Алатауының оңтүстік-шығыс баурайында, Көктерек өзенінен Қорғасқа дейінгі аралықта орналасқан. Ұраны — Райымбек, Байсуан.

=== Дулат ===
{{main|Дулат}}
''Дулаттар'' Іле өзенінен бастап, Шу, Талас, Сырдың ортаңғы ағысына дейінгі жерлерді жайлаған. Ұраны — Бақтияр.

=== Сіргелі ===
{{main|Сіргелі}}
''Сіргелілер'' Шу өзенінің орта ағысының сол жақ жағасын, Таластың төменгі ағысын, Қаратаудың баурайын жайлады. Ұраны — Тоғанас.

=== Қаңлы ===
{{main|Қаңлы}}
''Қаңлылар'' Іле Алатауының баурайында, Іле өзенінің сол жақ жағалауын жайлаған. Қаңлылардың біраз топтары Жетісудың, Оңтүстік Қазақстанның әр аймағында да орналасқан. Олар шанышқылы тайпасымен аралас-құралас отырған. Ұраны — Айырылмас.

=== Жалайыр ===
{{main|Жалайыр}}
''Жалайырлар'' Жоңғар Алатауының баурайында, Алтынемел, Арқарлы, Малайсары таулары, Қаратал, Іле өзендерінің аралығы, Балқаштың оңтүстік-шығысын мекендеді.

=== Шанышқылы ===
{{main|Шанышқылы}}
''Шанышқылы'' — Оңтүстік Қазақстан облысының Өзбекстанмен шектескен аумағында орналасқан. Ұраны — Айырылмас.

== Орта жүз тайпалары ==

'''Орта жүз тайпалары алты атадан тұрады (оларды "''алты арыс''" дейді):'''

* [[арғын]];
* [[найман]];
* [[қыпшақ]];
* [[қоңырат]];
* [[керей]];
* [[уақ]].

XIX ғасырдың соңы мен XX ғасырдың басында Орта жүз тайпаларының жан саны мөлшермен 1 млн 350 мыңдай болды. Ал Қытайдағы, моңғолиядағы керей, уақ, наймандарды қосқанда, 1 млн 500 мыңнан астам болған.

Орта жүз тайпаларының жайлаған аймағы — Орталық, Солтүстік, Шығыс Қазақстан, Оңтүстік Қазақстанда Сырдарияның жоғарғы және орта ағысы аймағы. Орта жүздің арғын, найман тайпалары Жетісудың солтүстік-шығысында, Шу өзені мен Сыр өзенінің аралығында әр жерде шоқ-шоқ болып та жайғасқан.<ref name=kaz10/>

=== Арғын ===
{{main|Арғын}}
''Арғындар'' батыста Торғай қыратынан бастап, шығыста Шыңғыстау мен Балқаштың терістік-батысына дейінгі аралықты жайлаған. Олар бұрынғы [[Павлодар]], [[Ақмола]], [[Қарқаралы]] уездерінде, [[Семей]] уезінде, Көкшетау уезінде, [[Торғай]] уезінде, [[Атбасар]] уезінде, [[Қостанай]] уезінде, [[Омбы]] уезінде орналасты. XIX—XX ғасырлар шегінде арғындардың жалпы саны 500 мыңға жуық болған. [[Ұран]]ы — Ақжол.

=== Найман ===
{{main|Найман}}
''Наймандар'' Шығыс, Оңтүстік-Шығыс Қазақстан жерінде, [[Алтай]]дан Жоңғар Алатауына дейінгі тау бөктері мен жазықтықтарда орналасты. Наймандардың біраз бөлігі Сыр бойында да жайлады. Қазан төңкерісіне дейін наймандар мына уездерде таралды: [[Лепсі]], Қапал, Өскемен, [[Зайсан (қала)|Зайсан]], [[Атбасар]], [[Семей]], [[Павлодар]], Перовск, т.б. Ұраны — Қаптағай.

=== Қыпшақ ===
{{main|Қыпшақ}}
''Қыпшақтардың'' жайлаған өлкесі, негізінен, Орталық Қазақстан, оңтүстікте Сырдың орта, төменгі ағысынан Тобыл өзенінің сағасына дейін. Қыпшақтардың уездер бойынша орналасуы мынадай болды: Торғай, Қостанай, Перовск, Павлодар, Омбы уездерінде. Ұраны — Ойбас.

=== Қоңырат ===
{{main|Қоңырат}}
''Қоңыраттар'' Оңтүстік Қазақстанды, Сырдария өзенінің ортаңғы ағысы бойын жайлады. Шымкент, Перовск уездерінің әркайсысында, сонымен қатар қоңыраттардың көпшілігі Ташкент уезінде, Орта Азияның тағы басқа уездерінде өмір сүрді.

=== Керей ===
{{main|Керей}}
''Керейлер'' Солтүстік жәнө Шығыс Қазақстан өңірлерінде, Ертіс пен Есіл өзендерінің орта ағысы, Алтайдың батыс баурайында орналасқан. Петровск уезінде, Омбы уезінде, Қарқаралы, Қостанай уезінде, Семей, Зайсан уезінде керейлер мекендеді. Ұраны — Ақжол, Қарақожа.

=== Уақ ===
{{main|Уақ}}
''Уақтар'' Торғай мен Тобыл өзендерінен Шығыс Қазақстанның шекарасына дейінгі әр жерде топ-топ болып шашыранды орналасқан. Семей, Петропавл, Павлодар уезінде уақтар тұрған. Ұраны — Жаубасар, Мүкамал.

Орта жүз құрамында осы аталған негізгі тайпалармен қатар ''төрелер, төлеңгіттер, қырғыздар, шалақазақтар'' болды.

== Кіші жүз тайпалары ==

Кіші жүз қазақтарына: ''[[байұлы]], [[әлімұлы]], [[жетіру]]'' деп аталатын үлкен үш тайпалар одағы кірді. Кіші жүз қазақтарының жері бүкіл Батыс Қазақстан аймағын алып жатыр. Шығыста Тобыл, Торғай, Ырғыз өзендері мен Мұғалжар тауларынан батысында Каспий теңізі мен Еділдің орта, төменгі ағысына дейінгі жерді, оңтүстігінде Сырдың орта, төменгі ағысы мен Маңғыстау түбегі, Үстірттен солтүстігінде Тобыл, Жайық өзендеріне дейінгі аймақты алып жатты. Кіші жүз қазақтарының XIX—XX ғасырлар шегіндегі саны 1 млн 200 мың адам болды.<ref name=kaz10/>

=== Байұлы ===
{{main|Байұлы}}
'''Байұлы 12 атадан тұрды. Олар:'''

* [[адай]];
* [[шеркеш]];
* [[есентемір]];
* [[таз]];
* [[ысық]];
* [[беріш]];
* [[байбақты]];
* [[қызылқұрт]];
* [[тана]];
* [[масқар]];
* [[алаша]];
* [[алтын]];
* [[жаппас]].

Кей шежірешілер алтын мен жаппасты біріктіріп (алтын-жаппас) бір ата деп есептейді. Байұлының тайпалары Жайық иен Жемнің аралығын, Үстірттің біраз жерін, Маңғыстау түбегін, Каспий теңізінің солтүстік-шығыс жағалауларын жайлаған.

=== Әлімұлы ===
{{main|Әлімұлы}}
'''Әлімұлын алты ата әлім дейді. Олар:'''

* [[шекті]];
* [[шөмекей]];
* [[төртқара]];
* [[кете]];
* [[қаракесек]];
* [[қарасақал]].

Әлімұлы рулары қыста Жем мен [[Каспий]]дің арасында, [[Арал теңізі]]нің солтүстік-батысына дейін, Борсық құмдары, Қарақұм, Қуаңдария мен Жаңадарияның аралығын қыстаған. Жазда Ақсақал көлінен солтүстікке қарай [[Торғай өзені (Шалқартеңіз)|Торғай]], [[Тобыл (өзен)|Тобыл]], [[Ырғыз]], [[Ор]], [[Елек]], [[Қобда өзені|Қобда]], [[Жем (өзен)|Жем]], [[Ойыл (өзен)|Ойыл]] өзендерінің бойында, Мұғалжар тауларында көшіп жүрген.

=== Жетіру ===
{{main|Жетіру}}
'''Жетіру аты айтып тұрғандай, жеті рудан тұрады. Олар:'''

* [[табын]];
* [[тама]];
* [[кердері]];
* [[керейт]];
* [[телеу]];
* [[рамадан]];
* [[жағалбайлы]].

Жетіру аталары қыста Сырдарияның орта ағысын және сол маңдағы аумақтарды қыстаса, жазда солтүстікке қарай жылжып көшіп, Орал тауы баурайына дейін баратын.

== XIX ғасыр ==

[[1801]] жылы патша өкіметі 5 мың қазақ шаңырағын [[Жайық]] пен [[Еділ]] өзендерінің арасына көшірді. Бұл жерде [[Бөкей Ордасы|Бөкей ордасы]] құрылды, ол [[1812]] жылы Бөкей хандығы деп, ал [[1845]] жылы Ішкі орда деп аталды. Осы Ішкі ордада XIX ғасырдың ортасына қарай адай, алаша, байбақты, беріш, жаппас, есентемір, ысық, қызылқұрт, кете, масқар, ноғай, жетіру, таз, тана, төлеңгіт, шеркеш руының адамдары тұрды.

XIX ғасырдың соңына қарай қазақ халқы бүгінгі Қазақстан жерінің барлық аумағын алып жатты, тіпті одан тыс көршілес аймақтарда да таралды. Мысалы, [[Орта жүз]] қазақтарының кейбір топтары [[моңғолия]], [[Жоңғария]], Батыс [[Сібір]] және [[Бөкей Ордасы|Орталық Азия]] жерлерінде де тұрды. Кіші жүз қазақтары оңтүстік-шығыс Еуропа жерлерінде, Орал тауы маңында, Орталық Азияда да тұрды. [[Ұлы жүз]] қазақтарының кей топтары Жоңғария, Шығыс [[Түркістан]] және Орталық Азия жерлерінде де өмір сүріп жатты.<ref name="kaz10"/>

==Дереккөздер==
<references/>

{{Қазақ рулары}}

[[Санат:Қазақстан тарихы]]
[[Санат:Шежіре]]
[[Санат:Қазақтар]]
[[Санат:Қазақ рулары]]

{{Kz-hist-stub}}

Қазақ жүздері - Түзету тарихы

Moderator: 1 түзету

Kasymov: clean up, replaced: В. Бартольд → Василий Владимирович Бартольд using AWB

← Ескі түзетулер	19:36, 2025 ж. сәуірдің 25 кезіндегі түзету
(айырмашылығы жоқ)