Moderator: 1 түзету

2025-04-25T19:07:29Z

1 түзету

Kasymov: Yelubay Aidana (т) өңдемелерінен Нұрлан Рахымжанов соңғы нұсқасына қайтарды

2017-01-16T08:30:27Z

Yelubay Aidana (т) өңдемелерінен Нұрлан Рахымжанов соңғы нұсқасына қайтарды

Жаңа бет

[[Сурет:Сәбит Дөнентаев.jpg|right|thumb|300px]]
'''Сәбит Дөнентаев''' ([[1894]]—[[1933]]) — қазақ [[ақы]]ны. Оның [[поэзия]]сы терең мазмұнды, ойлы болумен бірге көркемдік қырларымен, өзіндік өзгешеліктерімен де ерекшеленеді. Ең алдымен [[ақын]]ның көптеген [[өлең]]дерінде нақтылық сипат, тұжырымдылық басым. Оның поэзиясының [[тіл]]і таза, қарапайым және сонымен бірге бейнелі де көркем. Сәбит поэзиясында сырттай жарқылдақтық, асқақ лептілік жоқ. Ол [[өмір]] шындығын боямасыз қалпында, реалистік сарында суреттейді. [[Ақын]] ойға жомарт, [[сөз]]ге сараң болуға кеп көңіл бөледі...

== Өмірбаяны ==
[[1894]] жылы [[Семей облысы (Ресей империясы)|Семей облысының]] [[Павлодар уезi]]нiң [[Ақсу болысы]]нда туған. Әкесі Дөнентай кедей еді. Руы [[Арғын]] ішінде Бәсентиін.

Қасымқажы Ертісбаевтың [[медресе]]сін бітірген соң өлең жазу бастады.

[[1916]] жылы [[маусымның 25]] патша жарлығымен жасы 19 мен 43 арсындағы қазақ және басқа орыс емес «бұратана» атайтын халықтарының жігіттер майданға алынды. Солардың арасында Сәбит те болған. [[Екібастұз]]дың көмір қазатын болды, кейін [[Рига]] қаласының өңірінде окоп, ор (траншея) қазған.

[[1917]] жылының [[Ақпан төңкерісі]]нен кейін туған жеріне қайтты. Ақпан төңкерісін қолдап басқа [[Алаш]] азаматтарымен ұлт азаттық қозғалысына қосылып, қазақ халқына автономия беруіне, халқының өмір деңгейі көтеруіне, өзгеріс пен дамуына шақырады.

[[Семей]]де [[мұғалім]]дер семинариясында оқиды. Сол кезде Семей қазақтың ұлттық қозғалысының мәдени, саяси, рухани орталығына айналысады, [[Алаш қаласы]] деп атайды. Семинария ше, зиялы азаматтар оқып бітірген білім ордасына айналысады. Мұнда [[Жүсіпбек Аймауытов]], [[Әуезов Мұхтар Омарханұлы|Мұхтар Әуезов]]тер оқыған, кейін семинариясын [[Шәкен Айманов]] да оқып бітіреді.

Кеңес үкіметі орнаған соң, Сәбит Дөнентаев жаңа үкіметін қолдайды, ол [[қазақ]] халқына басқа халықтарымен тең құқықтарын береді, қарапайым шаруасының өмірін өзгереді, жесір-жетімдерінің қамын ойлайды деп сенеді. [[Мектеп]]терде мұғалім болып жұмыс істейді, үгіт-насихат жасайды, сауатсыздардың көзін ашады. Оңдай ағартушылар сол кезде керек еді, өз уақытында [[Ахмет Байтұрсынұлы]], [[Міржақып Дулатұлы]] тағы басқалар мұғалім-ағартушы болып мектептерде сабақ берген.

[[Баянауыл]]да сотта жұмыс істеген, кейін орнына [[Сәтбаев Қаныш Имантайұлы‎|Қаныш Сәтбаев]] келді.

[[1923]] жылынан бастап, Семейдің «[[Қазақ тілі (газет)|Қазақ тілі]]» үнжариясында жұмыс істейді. [[Қазақ әліпбиі]] латын әрпінен құрастырғаны дұрыс деп ойлаған.

Қалың малға тыйым салу үшін күресіп, әйелдердің тең құқықтары үшін күресіне үлес қосқан.

Әйелі — Қорлығайын Қожақызы байдың немересі еді. Сәбиттің [[әке]]сі Дөнентай өмір бойы сол Мәннәнбайдың малын баққан. Мәннәнбайдың немересін қалың малсыз алып жұбайы қылған. Баласы [[Мақсұт]] 1922 жылы қызылша болып қайтыс болған. Қызы Сәулет 1924 жылы [[Павлодар облысы]]ның [[Құркөл]] ауылында туған.

Ақын-демократ, қаламгер, мұғалім-ағартушы, қоғам қайраткері Сәбит Дөнентаев [[1933]] ж. мамырдың 23 қайтыс болған.

== Шығармашылығы ==
Сәбит Дөнентаевтың шығармашылығына [[Абай]]дың, [[Иван Андреевич Крылов|Крыловтың]], [[Ғабдолла Тоқай|Тоқай]]дың өлеңдері, мысалдары әсер еттi.

[[1913]] жылы «[[Айқап]]» журналында Сәбит Дөнентаевтың «Қиялдарым» өлеңi шығады. Бұл журналда кезінде [[Сұлтанмахмұт Торайғыров]] және тағы басқа қазақ ақындарының өлеңдерi шыққан.

[[1915]] жылы Yфi (Уфа) қаласында Сәбит Дөнентаевтың «Уақ-түйек» деген өлеңдер жинағы шығады. Ақын өз халқын қамын ойлап, оның өмірі, тағдыры, халі, тұрмысы туралы өлеңдер жазған, сатира ақыны болып, елін зорлайтын байлар мен патша өкіметіне күледі, әділет туралы ойлайды.

Ақынның «Бозторғай», «Көк төбетке», «У жеген қасқырға», «Екі теке» мысалдары бар. Бұл еңбектері Крыловтың шығармашылығының ақынына әсер еткенінен жазылған. «Биік тау», «Заман кімдікі» әділет туралы ойлайтын-толғайтын азаматының мұңдары. «Қазақтан шыққан білгендер» — жастарға үгіт-насихат. «Көркемтай» повесті жетімнің тағдыры туралы.

==Сәбит зерттеген Абай шығармалары==
Сәбит кемеңгер Абайдан көп үйренген ақындардың бірі. «Абайға» деген өлеңінде былай деп жазады:
<poem>
«Қараңғыда туып ең,
Қара бетті жуып ең.
Таба қылмай дұшпанға,
Қолға ұстаған туымыз,
Қанат-құйрық, бойымыз.
Қонғанда да ұшқанда.
Құрмет етіп затыңды,
Бетке ұстаймыз атыңды...»
</poem>
Тұтастай алғанда бұл өлеңнен Сәбиттің [[Абай Құнанбайұлы|Абай]] поэзиясының идеялық бағытын, әлеуметтік сырын дұрыс бағдарлағанын кереміз. Сонымен бірге Сәбиттің Абайдан тікелей үйренгендігінің де айғағы, яғни бұл елең Абайдың «''Сегіз аяғының''» үлгісінде, соның өлшемін, ұйқас түрін сақтап жазылғандығы даусыз. Тек бүл емес, «''Атылғандарға''», «''Жүрекке''», «''Ескі болыстың тәубасы''», «''Темірге''», «''Ерікті Айша''», «''Кемшілікте''», «''Бір жыл етті''» тәрізді және басқа да көптеген өлеңдерін Сәбит Абай поэзиясындағы әр алуан формаларды пайдалана отырып жазған. Мысалы, «''Кемшілікте''» деген өлеңінің ұйқасы мынадай:
<poem>
«Тағдырда жазған соң алла,
Мен түстім мынадай халға...
Етерлік жәрдемің бар ма,
Жақындап, жанассаң нетер?
Талай күн жүріп ек бірге,
Талай бір кіріп ек түрге,
Тұрғанда мен мұндай күйде,
Қайырылып қарасаң нетер?..»
</poem>
Мұнда әр шумақтың алғашқы үш жолы қатарынан ұйқасып, сол шумақтардың соңғы, төртінші жолдары бірыңғай үйлеседі. Бұл - «Білімдіден шыққан сөз...» деп басталатын өлеңінің негізгі шумақтарында Абай қолданған ұйқастың үлгісі. Сәбит осындай ұйқасты 11 буынды қара өлеңге де пайдаланған («''Балалық''» т. б.).
Абай бірсыпыра өлеңдерінде («''Қансонарда бүркітші шығады аңға...''», «''Қартайдық, қайғы ойладық, ұйқы сергек''», «''Қалың елім, қазағым, қайран жұртым''...» т. б.) белгілі бір ұйқас жүйесін өлеңнің ұзына бойына дерлік сақтап отырады. Осындай тәсілді «''Ұлтшылға''», «''Қазақтарға қарап''» атты өлеңдерінде Сәбит те бекем ұсынады. Сол сияқты, соңғы өлеңдегі дыбыс үндестігі айрықша күшті. Мұнда өлеңнің әр жолы ғана емес, әр сөзі бірыңғай дыбыстан басталады:
<poem>
«Қамалған қараңғыда қалың қазақ,
Қайратсыз, қамсыз құрып қалдың, қазақ.
Қарулап қуатсызды қуаттандыр,
Құрдан-құр қампайтқанша қарын, қазақ.
Қулардың құлқынына құм құйылсын,
Қайдағы құлдың қайғырт қамын, қазақ.
Қайтеді қайырылыссаң қарындасқа
Қасармай қыңырайып қырын қарап...»
</poem>
Ақын «қазақ», «қараңғылық», «қу» тәрізді сөздерге айрықша назар аудару үшін осылай еткен тәрізді. Әрине, түр алуандығын, дыбыс үндестігін қуалап кетушілік те жоқ емес. Сонымен бірге осы тәсілдің төркіні Абайдың «''Самородный сары алтын''» немесе «''Жайнаған туың жығылмай...''» деп келетін өлеңдерінде жатқандығы да күдік туғызбасқа керек.
Сондай-ақ, ақынның өлең ырғағын, ұйқасын қиыстырып құруда жаңалық табуға ұмтылған талаптары да болды. Мұны «''Жүрекке''», «''Күздің сыры''» тәрізді өлеңінен байқаймыз. Мысалы, соңғы елеңде әр шумақ бес жолдан тұрады да, ұйқас түрлері мынадай болып келеді:
<poem>
«Ызыңдаған, шулаған, Қыбырлаған, дулаған.
Таңнан іңір басқанша Минут тыныс қылмаған.
Ұсақ жәндік жоғалып, Ыссы еткен табаннан.
Тыныш кеткен адамнан,
Сахара түр дем алып,
Күйіне келіп таралған,
Қызметін бөліп доғарып».
</poem>
Мұнда әр шумақтың үш жолы өзара ұйқасып келеді де, әрбір қос шумақтың соңғы жолдары үйлесім табады. Дөнентаев поэзиясының өзіндік бір ерекшелігі юморлық бағытына, сатиралық өткірлігіне байланысты. Ол революцияға дейінгі қазақ әдебиетінде Абай мен Сұлтанмахмұттан кейінгі ірі сатирик ақын болып табылады.<ref>Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9</ref>

==Дереккөздер==
<references/>

[[Санат:Шығыс Қазақстан облысында туғандар]]
[[Санат:Қазақстан ақындары]]
[[Санат:1894 жылы туғандар]]
[[Санат:1933 жылы қайтыс болғандар]]
[[Санат:Қазақстан педагогтары]]
[[Санат:Ұлт-азаттық қозғалыстар қатысушылары]]

← Ескі түзетулер	19:07, 2025 ж. сәуірдің 25 кезіндегі түзету
(айырмашылығы жоқ)

Сәбит Дөнентаев - Түзету тарихы

Moderator: 1 түзету

Kasymov: Yelubay Aidana (т) өңдемелерінен Нұрлан Рахымжанов соңғы нұсқасына қайтарды