Moderator: 1 түзету

2026-07-12T19:05:46Z

1 түзету

Kaiyr: /* Өмірі */

2024-09-19T08:36:02Z

‎Өмірі

Жаңа бет

{{Ғалым
|Есімі = Патшайым Тәжібаева
|Шынайы есімі =
|Суреті = Патшайым_Тәжібаева.jpg
|Сурет ені =
|Сурет тақырыбы =
|Туған күні = 1920
|Туған жері = {{туғанжері|Төле би ауданы|Төле би ауданында}}, [[Түркістан облысы]]
|Қайтыс болған күні = 1991
|Қайтыс болған жері =
|Азаматтығы = {{USSR}}
|Ғылыми аясы = [[геология]], [[литология]]
|Жұмыс орны = [[Қазақстан Республикасының Ұлттық ғылым академиясы|Қазақстан ғылым академиясы]]
|Ғылыми дәрежесі = геология-минералогия ғылымдарының докторы, профессор
|Ғылыми атағы = Қазақстан Ғылым академиясының корреспондент мүшесі
|Альма-матер =
|Ғылыми жетекші =
|Атақты шәкірттері =
|Несімен белгілі = [[Құмкөл]] кен орны туралы алғаш болжам жасаған. [[Орталық Қазақстан]] мен [[Батыс Қазақстан]]дағы кен орындарын ашқан. [[Литология]] ғылымының негізін қалаушы, Қазақстан мен [[Орта Азия]]дан шыққан ең алғашқы ғалым-геолог
|Марапаттары = {{Еңбек Қызыл Ту ордені}} {{Еңбек Қызыл Ту ордені}} {{Халықтар Достығы ордені|1980}}
|Қолтаңбасы =
|Қолтаңба ені =
|Сайты =
|Уикиқайнар =
}}
'''Патшайым Тәжібаева''' (1920 – 1991) – геология-минералогия ғылымдарының докторы (1960), профессор. [[Қазақстан Республикасының Ұлттық ғылым академиясы|Қазақстан ғылым академиясы]]ның корреспондент мүшесі (1967). Негізгі ғылыми еңбектері [[Орталық Қазақстан]]ның [[Шөгінді тау жыныстары|шөгінді жыныстар]]ы мен [[кен тастары]]н зерттеу мәселелеріне арналған.

==Өмірі==
[[Дулат]] тайпасының [[Жаныс]] руынан.<ref>{{кітап|авторы= Баспа бас директоры:Әшірбек Көпіш|бөлімі= |бөлім сілтемесі= |тақырыбы= Бәйдібек баба - Алып бәйтерек ұрпақтарының шежіресі. Жаныс|шынайы атауы= |сілтеме= |уикитека= |жауапты= |басылым= |орны= Алматы|баспасы= Издательство Өнер|жыл= 2004|томы= |беттері= |барлық беті= 992|сериясы= |isbn=9965-595-78-Х|тиражы= }}</ref> Ол [[1920 жылы]] қазіргі [[Төле би ауданы]]ның [[Қарақия]] елді мекенінде дүниеге келген. Патшайымның атасы Есенқұл ел басқарған көзіқарақты, дәулетті адам болыпты. Әкесі Тәжібай сол заманның білімді азаматы болып, [[орыс тілі]]н жетік білгендіктен үкімет жұмыстарына араласқан. Әкесі ерте қайтыс болып, жетімдіктің, жоқшылықтың тақсыретін ерте тартқан Патшайым балалар үйінде тәрбиеленген. Бауыры Лашкер екеуі сонда жүріп сауат ашып, ары қарай жетіжылдық мектепті бітіреді. Табиғатынан қайсар, алғыр мінезді Патшайымды өмірдің ащысы мен суығы шыңдай түседі.

==Білімі==
[[1936 жылы]] [[Алматы]]дағы педагогикалық училищеге түсіп, оны үш жылда аяқтайды. Бұдан соң [[Ташкент]]тегі [[Орта Азия]] мемлекеттік университетінің геология-минерология факультетіне түсіп, [[1943 жылы]] бірінші дәрежелі диплом алып шығады. [[Геолог]]-[[минеролог]] мамандығын алған Патшайым Индустрия университетінің [[кен]]-[[металлургия]] факультетіне аспирант болып қабылданып, Қазақтың Ғылым Академиясын да бітіреді. Сондай-ақ, [[1948 жылы]] Куйбышев (қазіргі [[Самара]]) қаласындағы [[университет]]тің [[физика]]-[[математика]] факультетін тәмамдайды.

==Еңбек жолы==
Бұдан кейін белгілі ғалым, академик [[Қаныш Сәтбаев]]пен бірге [[Қазақстан]]ның [[пайдалы қазбалар]]ын, жер қойнауындағы байлықтарын ел игілігіне жарату жолында еңбектенеді. «Қарағым, ауыр мамандықты қалаған екенсің, жер қазу, тас жинау тезек теруден ауыр» деген ұстазы Қаныш Сәтбаевтың сөзі оны қаймықтыра алмаса керек. Қиындықтан қашпайтынын жұмыс барысында көрсете біледі. Алғашқы еңбек жолын [[Жезқазған]]-[[Ұлытау]] аймағынан бастапты. Ұстазымен бірге тау-кен орындарын зерттейді. Жастайынан қиындыққа төзе білген Патшайым жұмысқа аса жауапкершілікпен қарап, жер қойнауының [[литология]]сын зерттеп, Қазақстандағы литология ғылымының негізін қалады және ұйымдастыра білді. Геология ғылымына өлшеусіз үлес қосумен қатар, Қазақстандағы [[мұнай]]-[[газ]] көздерін ашу мәселелері бойынша белсенді де көлемді жұмыстар жүргізеді. Елдегі ең мол мұнай өнімі бар [[Құмкөл]] кені туралы ең алғаш Патшайым Тәжібаева болжам жасап, оны ел игілігіне жаратуға бастамашы болған.

==Ғылымдағы орны==
180-нен астам ғылыми еңбек жазған. [[Рентген]] лабораториясын ашқан. Ол – Қазақстанда ғана емес, [[АҚШ]], [[Жапония]], [[Канада]] сияқты ірі мемлекеттерде қазақ, орыс, ағылшын тілдерінде баяндамалар жасаған танымал ғалымның бірі.{{Дәйексөз|[[Өмірзақ Сұлтанғазин]]: «Патшайым Тәжібайқызы – Қазақстан ғылымына ғана емес, бүкіл дүниежүзілік ғылымға үлес қосқан апамыз. Бұл қазақ әйелдерінен тұңғыш рет шығып, жарып шығып, жеке шығып, жол көрсетіп, өзінің үлкен еңбегінің арқасында сол Қазақстан ғылымын дамытып, бірінші рет литология саласында жаңа ғылыми бағыт ашқан үлкен ғалым»}}.<ref>Ғылымнан тапқан бақытын - OKG.KZ</ref> {{Дәйексөз|«Ғылым әлеміндегі әйелден шыққан Сәтбаев»}}Шөгінді жыныстар мен рудалардың ерекшелігін екшеп, зерделеген. [[Орталық Қазақстан]] мен [[Батыс Қазақстан]]дағы кен орындарын ашқан. Қазақстан мен Орта Азиядан шыққан ең алғашқы ғалым-геолог, литология ғылымының негізін қалаушы.<ref>Қазақтың тұңғыш геолог қызы кім еді? | Newsroom.kz</ref>

== Ғалым жайлы жазылған кітаптар ==
* «Асыл тастар асқар тауда туады»,
* «Ғылымда дара, өмірде дана»,
* «Патшайым десе – Патшайым».
Қазақтың біртуар ақыны [[Жұбан Молдағалиев]] «Бәйтерегі ғылымның» атты өлеңінде:
Жүдемей тағдыр салған сызға жаны,
Жетелеп өр мақсатқа ізгі арманы,
Жұмбақ әлем – ғылымда танытты атын,
Қазығұрттың қырмызы қызғалдағы...» деп жыр жолдарын арнапты.<ref>Ғылымнан тапқан бақытын - OKG.KZ</ref>.
«Ғылымда дара, өмірде дана Патшайым» деп аталатын кітапта ғалымның әріптестері мен шәкірттерінің, достарының Патшайым Тәжібаева туралы жазған пікірлері мен естеліктері, ғалымға арнаған өлең жырлары, естелік-эсселері топтастырылған. Кітапты құрастырғандар: ҚР еңбек сіңірген қайраткері, белгілі қазақ жазушысы [[Сәбит Айтмұханұлы Досанов]] пен Әл-Фараби атындағы ҚазҰУ-нің оқытушысы, академик, профессор Құралай Қошқарова.<ref>Алматыда ғалым Патшайым Тәжібаева туралы кітап жарық көрді (inform.kz)</ref>
Алматы, Шымкент қалаларындағы, Оңтүстіктегі Қазығұрт ауданындағы үлкен көшелер, екі бірдей мектеп Патшайым Тәжібаева есімімен аталады.<ref>https://el.kz/news/archive/patshayym_t-zhibaeva_-_al-ash-y_geolog_-alym/</ref>.

==Марапаттары==
Қазақстан Жоғарғы кеңесінің депутаты, Жоғарғы кеңес төрағасының орынбасары лауазымдарын атқарған. [[Америка]], [[Жапония]], [[Германия]], [[Венгрия]] сияқты елдердің ғылыми қауымдастығының мүшесі. Ол Халықтар достығы және [[Еңбек Қызыл Ту ордені]]мен марапатталған.<ref>Алматыда қазақ әйелдері арасынан шыққан тұңғыш геолог-ғалым Патшайым Тәжібаеваның 90 жылдық мерейтойы аталып өтті (inform.kz)</ref>

==Отбасы==
Жолдасы – белгілі дипломат Ахмет Аққошқаров.
Қыздары Қарлығаш және Құралай. Кіші қызы – академик Құралай Аққошқарова, ал күйеу баласы ҚР еңбек сіңірген қайраткері, белгілі қазақ жазушысы Сәбит Досанов.<ref>Қазақтың тұңғыш геолог қызы кім еді? | Newsroom.kz</ref>

== Дереккөздер ==
{{дереккөздер}}

[[Санат:Қазақстан геологтары]]
[[Санат:КСРО геологтары]]
[[Санат:Қазақстан ғалымдары]]
[[Санат:КСРО ғалымдары]]
[[Санат:Қазақстан Ғылым Академиясының корреспондент мүшелері]]
[[Санат:Геология-минералогия ғылымдарының докторлары]]
[[Санат:Қазақстан Жоғарғы Кеңесінің депутаттары]]

← Ескі түзетулер	19:05, 2026 ж. шілденің 12 кезіндегі түзету
(айырмашылығы жоқ)

Патшайым Тәжібаева - Түзету тарихы

Moderator: 1 түзету

Kaiyr: /* Өмірі */