Moderator: 1 түзету

2025-04-25T19:38:33Z

1 түзету

Kasymbot: /* top */clean up, replaced: Бағдад → Бағдат using AWB

2016-12-23T09:21:08Z

‎top: clean up, replaced: Бағдад → Бағдат using AWB

Жаңа бет

'''Зафарнаме''' (парс. і«BЇo–ѓ – “Жеңіс кітабы”) – Низам әд-Дин Шамидің шығармасы. [[Әмір Темір]]дің өмір тарихы туралы ресми қолжазбаның сақталып қалған, екі түрде редакцияланған нұсқасының алғашқысы. 1402 – 04 ж. парсы тілінде жазылған. Низам әд-Дин Шами 1393 ж. ғана [[Бағдат]]тан қоныс аударып, Әмір Темірдің сарайына қызметке ауысады. Сол себепті ол осының алдындағы жылдарда болған оқиғаларды тек ауызша және жазба деректемелерге сүйеніп жазуы ықтимал.<ref>[[Бартольд В.В., Туркестан в эпоху монгольского нашествия, Соч., т. 1, М., 1963]]</ref>

“Зафарнаме” '''Әмір Темірдің''' тапсыруымен жазылып, шығарманың атын да өзі қойған. Автор деректеме ретінде Әмір Темірдің көзі тірісінде оның қолбасшылық өмір тарихын (бізге жетпеген) және жекелеген жорықтарының күнделіктерін (бұлардың ішінде бізге жеткені Ғийас әд-Дин Әли Йездидің “Темірдің Үндістанға жасаған жорығының күнделігі” ғана) пайдаланған. Белгілі дәрежеде “Зафарнаме” авторы парсы және ұйғыр хатшылары құрастырған Әмір Темір басынан кешкен оқиғалардың негізгі жазбаларына да (оларды Әмір Темірдің өзі қарап жөндеген) сүйенген.<ref>[[Двенадцать лекций по истории турецких народов Средней Азии, Соч., т. 5, М., 1968]]</ref>“Зафарнаме” Әмір Темір өмірі мен қызметінің негізгі оқиғалары: 14 ғ-дың 2-жартысындағы оның [[Мауераннахр]]да билікті қолға алу үшін күресі, [[Моғолстан]]ға, [[Хорезм]]ге, [[Хорасан]]ға, [[Иран]]ға, [[Грузия]]ға, [[Дешті Қыпшақ]]қа, [[Үндістан]]ға, т.б. елдерге жасаған жорықтары қысқа әрі шежірелік сипатта берілген. Шығармада Әмір Темір серіктестерінің есімдері, олардың қай тайпа, руға жататындығы келтіріледі, оның дұшпандарының іс-әрекеттері, аты-жөндері, туыстық байланыстары, т.б. туралы көптеген мәліметтер бар. Оқиғаны баяндау желісі 1403 жылға дейін жеткізілген.<ref>[[Народное движение в Самарканде в 1365 г., Соч., т. 2, М., 1964]]</ref>

Қазақстанның ортағасырлық тарихын зерттеуде шығармадағы Әмір Темірдің 14 ғ-дың 80-жылдарында Дешті Қыпшақ пен Моғолстанға жасаған жорықтары туралы жазылған тараулар құнды дерек болып табылады. Ондағы материалдар Әмір Темірдің осы аймақтарды қоныстанған көшпелі халыққа жүргізген жаулаушылық, тонаушылық саясатын, [[Ақ Орда]], [[Көк Орда]] мен Моғолстанның дербес экон. және саяси дамуына бөгет жасауға ұмтылғанын сипаттайды. Шығармада [[Қазақстан]] жеріндегі осы мемлекеттердің ішкі саяси жағдайы, шаруашылығы, т.б. туралы мағлұматтар қамтылған. Дешті Қыпшақ пен Жетісудың тарихи географиясы жөнінде деректер келтірілген.<ref>[[Тизенгаузен В.Г., Сборник материалов, относящихся к истории Золотой Орды, М. – Л., 1941.
]]</ref>
Әмір Темір тарихын жазумен айналысқан кейінгі дәуірдің көптеген авторлары “Зафарнамені” деректеме ретінде пайдаланды. Хафизи Абру оны өзінің “Маджму’а” (1417), “Зубдат ат-тауарих” атты еңбектерінде кеңінен пайдаланды. [[Мұхаммед ибн Фазлаллах Мусави]] Әмір Темір тарихына арналған “Тарих-и Хайрат” (1412 – 14) еңбегін “Зафарнамеге” сүйеніп жазды. Шараф әд-Дин Йезди де Әмір Темірдің ресми тарихын жазғанда осы еңбекке сүйенген. “Зафарнаменің” екі қолжазбасының бірі [[Лондон]]да, екіншісі Стамбұлда сақталған.<ref>[["Қазақ Энциклопедиясы"]],4 том 3 бөлім</ref>

== Дереккөздер==
<references/>

{{wikify}}
{{Суретсіз мақала}}

[[Санат:Қазақстан тарихы]]

{{stub}}

← Ескі түзетулер	19:38, 2025 ж. сәуірдің 25 кезіндегі түзету
(айырмашылығы жоқ)

Зафарнаме - Түзету тарихы

Moderator: 1 түзету

Kasymbot: /* top */clean up, replaced: Бағдад → Бағдат using AWB