Moderator: 1 түзету

2025-04-25T19:07:30Z

1 түзету

Нұрлан Рахымжанов: +Санат:30 шілдеде туғандар; +Санат:Баянауыл ауданында туғандар; ±Санат:Қазақ ақындары→Санат:Қазақстан ақындары (HotCat құра...

2015-07-30T04:40:06Z

+Санат:30 шілдеде туғандар; +Санат:Баянауыл ауданында туғандар; ±Санат:Қазақ ақындары→Санат:Қазақстан ақындары (HotCat құра...

Жаңа бет

[[Сурет:Жаяу Мұса.jpg|thumb|right|200px|]]
'''Жаяу Мұса Байжанұлы''' (30 шілде [[1835]], [[Павлодар облысы]] [[Баянауыл ауданы]] [[Жасыбай]] көлінің жағасы, Ақшоқы алқабы—[[1929]]) — [[Қазақтар|қазақ халқының]] әйгілі [[әнші]]-[[сазгер]]і, [[ақын]]ы.

Шыққан тегі — [[Орта жүз]], [[Арғын]] ішіндегі Сүйіндік руы.

== Өмірбаяны ==
Алғаш ауыл молдасынан оқып, сауат ашады. Оң-солын тани келе өнер-білім қуып, [[Қызылжар]], [[Омбы]] қалаларына келеді. Омбыдағы орыс мектебінде оқиды, қала өнерпаздарымен араласып, [[домбыра]], [[сырнай]], [[скрипка]] аспаптарын тартуды меңгереді, өзінің сезім-күйін әнге қосуға машықтанады, музыкалық әдеби кештерге араласады. Бойындағы өнерін жұрт алдында көрсете бастайды.
[[Сурет:Stamps of Kazakhstan, 2010-13.jpg|left|200px]]
Қалада өткерген жылдарында Жаяу Мұса сол кездің саяси-әлеуметтік өмірін тереңірек танып, туған елінің бодандықтағы мүшкіл халіне ой зерделетіп, санасы толысқан шағында елге оралады. Ел ішіндегі әлеуметтік әділетсіздіктер мен сыртқы өктемдікті жай ғана бақылаушы болып қана қалмайды, өзінің ұстанымын тиісті жерінде өнерімен де, іс-әрекетімен де көрсетіп отырады. «Ақ сиса» сияқты әлеуметтік теңсіздікті әшкерелеген әндері ел ішіне тарай бастайды.

Ақыры Жаяу Мұсаға «Патша саясатына наразы адам» деген айып тағылып, [[Тобыл]]ға жер аударылады. Тобыл түрмесінде ол генерал-губернаторға хат жазып, әскер қатарына сұранады. Мұсаның өтініші қабылданады. Осылайша, оның әскер қатарындағы әр қиырды шарлаған күрделі өмірі басталады. Тобыл, [[Орынбор]], [[Қазан]], [[Новгород]], [[Мәскеу]], [[Владимир]], [[Петербор]] қалаларында, [[Полония]], [[Литва]] жерінде болады.

Кейін [[Қоқан хандығы]]ның саясатына қарсы жұмсалған полковник М.Черняевтің әскерінің құрамында [[Алатау]], [[Әулие-ата]], [[Шымкент]] жорығына қатысады. Осы жорықта Ресей әскерінің зорлықшыл әрекеттерін көзімен көрген Жаяу Мұса қатты налиды, ән-жырына қосады.

== Шығармалары ==

Алыста жүріп, туған жерін сағынып «[[Сүйіндік]]» әнін шығарады. «[[Толғау]]», «[[Арап ұрыға]]», «[[Бозторғай]]», «[[Хаулау]]» әндеріне өмірден көрген сондай қиындық қиянаттар арқау болады.

Өмірдің көп тауқыметін бастан өткеріп, еліне оралған Жаяу Мұса әлеуметтік-саяси теңсіздікке арналған әндер шығаруды одан әрі жалғастырады. Ақмола уезіне қарасты Құлбай деген байдың немере қызы Сапармен көңіл жарастырып, ұрпақ құрып, саясатшылықпен айналысады.

Жаяу Мұса қазақтың ән өнерін мазмұн, түр жағынан байытып, шығармашылық жаңалықтар енгізіп, әуен сазын жаңа биіктерге көтерген аса дарынды композитор. Ол өз шығармаларында қазақтың мұңын мұңдап, жоғын жоқтап, өз заманының арман-аңсарын әнмен бедерлей білді. Оның әлеуметтік көзқарастары, азаматтық ұстанымдары сол кездің демократтық-ағартушылық озық идеяларымен астасып жатты.<ref>Тарихи тұлғалар. Танымдық - көпшілік басылым. Мектеп жасындағы
оқушылар мен көпшілікке арналған. Құрастырушы: Тоғысбаев Б. Сужикова А. –
Алматы. “Алматыкітап баспасы”, 2009 ISBN 978-601-01-0268-2</ref><ref>Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6</ref>
{{Start citation }}
Жаяу Мұса әндерін күні бүгінге дейін халық сүйіп тыңдайды. Оның алуан нақысты асқақ әндері Қазақстан композиторларының көптеген шығармаларына арқау болған.
'''''Мұса атақты "Ақ сиса" әнін шығарған:'''''
:Ақ сиса, қызыл сиса, сиса-сиса,
:Қалмайды кімдер жаяу зорлық қылса.
:Шорманның Мұстафасы атымды алып,
:Атандым сол себепті "Жаяу Мұса".
:Жаныма батқандықтан ашынамын,
:Мен неге жаяумын деп басыламын?
:Малым жоқ Шорман айдап алатұғын,
:Қылығын Мұстафаның паш қыламын!
{{End citation}}

==Дереккөздер==
<references/>

{{бастама}}

[[Санат:30 шілдеде туғандар]]
[[Санат:1835 жылы туғандар]]
[[Санат:Баянауыл ауданында туғандар]]
[[Санат:1929 жылы қайтыс болғандар]]
[[Санат:Қазақстан ақындары]]
[[Санат:Қазақстан сазгерлері]]

← Ескі түзетулер	19:07, 2025 ж. сәуірдің 25 кезіндегі түзету
(айырмашылығы жоқ)

Жаяу Мұса Байжанұлы - Түзету тарихы

Moderator: 1 түзету

Нұрлан Рахымжанов: +Санат:30 шілдеде туғандар; +Санат:Баянауыл ауданында туғандар; ±Санат:Қазақ ақындары→Санат:Қазақстан ақындары (HotCat құра...