Moderator: 1 түзету

2026-06-25T14:27:58Z

1 түзету

19:04, 2026 ж. сәуірдің 12 кезіндегі Tuttiorchestra687 деген

2026-04-12T19:04:34Z

Жаңа бет

{{Музыкант
|Есімі = Ахмет Қуанұлы Жұбанов
|Атауы =
|Сурет = Ахмет Қуанұлы Жұбанов.jpg
|Сурет ені = 200px
|Сурет тақырыбы =
|Фон =
|Туған кездегі есімі =
|Толық аты =
|Туған күні = 29.04.1906
|Туған жері = [[Қосуақтам]] шатқалы, {{туғанжері|Темір ауданы|Темір ауданында}}, [[Ақтөбе облысы]], [[Ресей империясы]]
|Қайтыс болған күні = 30.05.1968
|Қайтыс болған жері = {{қайтысболғанжері|Алматы|Алматыда}}, [[Қазақ КСР]], [[КСРО]]
|Белсенділік жылдары =
|Мемлекет = {{USSR}}<br>[[File:Flag of the Russian Soviet Federative Socialist Republic (1954–1991).svg|20px]] [[РКФСР]] (1917-1922)<br>[[File:Flag of Russia.svg|20px]] [[Ресей империясы]] (1906-1917)
|Мамандықтары = [[ғалым]], [[композитор]], [[дирижер]]
|Дауыс түрі =
|Аспаптары =
|Жанрлары = [[опера]], [[сюита]]
|Лақап аттары =
|Ұжымдары =
|Қызметтес болған =
|Лейблдері =
|Марапаттары =
|Сайты =
}}
'''Ахмет Қуанұлы Жұбанов''' (1906-1968) — қазақ музыкасын зерттеуші көрнекті ғалым, әйгілі композитор, [[дирижер|дирижëр]]. Қазақстанның халық әртісі (1944), өнертану ғылымының докторы (1943), профессор (1948), академик.

== Өмірбаяны ==
Ол [[Ақтөбе облысы]] Темір ауданында [[1906 жыл]]ы [[29 сәуір]]де өмірге келген. [[Әлімұлы]] тайпасының [[Шекті]] руынан шыққан<ref>{{cite web|author=Жауапты редакторлар:Филол.ғ.д., профессор А.Қ. Жұбанов, Филол.ғ.к., доцент С. Құлманов|title=ҰЛЫДАЛА ТҰЛҒАЛАРЫ: ҚҰДАЙБЕРГЕН ЖҰБАНОВ|url=https://termincom.kz/assets/pdf/fccc01431d3e67547942d7aa722f633c.pdf|website=termincom.kz|publisher=А. Байтұрсынұлы атындағы Тіл білімі институты|date=2013|accessdate=2020-05-28|lang=kk}}</ref>.

[[1929 жыл]]ы Ленинградтың М.И. Глинка атындағы техникумында (А.А .Этигонның скрипка сыныбы бойынша), консерваторияда (профессор Ф.А. Ниманның [[гобой]] сыныбы бойынша, кейіннен музыка тарихы мен теориясы факультетінде) оқыған.

[[1930 жыл]]ы Ленинградтағы «Рабочий и театр» журналында жарияланған мақаласынан бастап, өмірінің соңына дейін қазақ музыкасының тарихы мен теориясын зерттеумен айналысты.

[[1932 жыл]]ы Ленинградтағы Актер шеберлігі мектебінің аспирантурасына түседі.

[[1933 жыл]]ы Алматыда ашылған музыкалық драма училищесіне ұстаздық қызметке шақырылады.

[[1934 жыл]]ы А.К. Жұбанов алғаш 11 адамнан құралған домбырашылар ансамблі негізінде Қазақ ұлттық халық оркестрін ұйымдастырды. Осы ұжымның тұңғыш дирижëрі ретінде көптеген халық композиторларының музыка туындыларын оркестрге лайықтап нотаға түсірген.

[[1936 жыл]]ы «Музыка әліппесі» атты тырнақалды кітапшасы жарық көрген.

1945-1951 жылдары Алматы консерваториясының ректоры, 1954-1961 жылдары осы консерваториядағы өзі ашқан халық аспаптар кафедрасының меңгерушісі болып, қазақ халық музыкасының тарихынан, дирижëрлік өнер мен аспаптану пәнінен сабақ берді.

== Шығармашылығы ==
Ахмет Қуанұлы қазақтың музыкалық мәдениетін зерттеп тануда, жорып түсіндіруде және жүйелеп насихаттауда жаңа сапалы биіктен көрініп, кезеңдік мәні бар қажыр-қайрат көрсеткен тұлға. Өз кезіндегі музыкалық білім сатыларының бәрінен өткен кемел білім иесі, оған қоса Тәңірі тал бойына ғажайып қабілет пен ұлтжандылық сезімін дарытқан А.Қ. Жұбанов 1933 жылы [[Алматы]] музыкалық драма училищесіне (Қазіргі П.И.Чайковский атындағы музыкалық колледж) ұстаздық қызметке келеді. Осы кезден бастап өмірінің соңғы күндеріне дейін ол қазақтың музыкалық [[мәдениет]]і деген жалпылама ұғымды ұлт болмысындағы нақты категориялық мәні бар рухани құбылысқа айналдыру үшін тыным таппастан еңбек етті.

Бұл ретте, Ахмет Қуанұлы адам қабілетінің қандай құдіретті болатынын нақтылы да нәтижелі істерімен көрсете алды. Алғашқы музыкалық әліппе, [[қазақ]] музыкасын зерттейтін ғылыми кабинет, музыкалық сынақ шеберханасы, [[Ғылым]] академиясындағы өнертану секторы, Мұхтар Әуезов атындағы әдебиет жөне өнер институтының музыка бөлімі, [[Қазақтың халық аспаптары]] оркестрі, Қазақтың [[мемлекет]]тік [[филармония]]сы, Қазақ консерваториясы, ондағы [[халық аспаптары]] кафедрасы, Қазақтың музыкалық театры, қазақ музыкасы туралы оқу құралдары, міне, осының бәрінің ұйтқысы А.Қ.Жұбанов болды. Мұның сыртында дирижерлік, ұстаздық, ғылыми-зерттеушілік, қоғамдық, әсіресе шығармашылық жұмыстарының өзі сала-сала болып, құнарлы арналарға ұласады.

А.Қ. Жұбановтың мұрындық болуымен қырқыншы жылдары ұйымдастырылған [[ғылыми экспедиция]] сексенінші жылдарға дейін Қазақстанның түкпір-түкпірінен 10 мыңдай ән-күй нұсқаларын жинаған. Қазақтың кәсіпқой халық композиторларының өмір дерегін жинастырып, шығармаларын нотаға түсіріп, одан соң көнігі әнші-күйшілерге үйрету арқылы халықтың рухани игілігіне айналдыруда теңдессіз еңбекқорлық пен іскерліктің үлгісін Ахмет Қуанұлының өзі көрсетіп отырды.

Жасынан музыка өнеріне бейімділігін байқатып, [[домбыра]], [[скрипка]] аспатарында ойнауды меңгереді. Жас кезінде ауылдасы Талым күйшіден, ауыл мұғалімі Қ. Ашғалиевтен, әкесі Қуаннан, ағасы Құдайбергеннен тәлім алып, музыка өнеріне ден қояды. Темірде [[орыс]] халық аспаптар әуесқойлары оркестріне жетекшілік ететін (П. Черняктан сольфеджио, скрипка, музыка теориясы бойынша) сабақ алады.

Жұбановтың қазақ халқының ән-күй шығармаларының табиғаты мен ерекшелігі, ұлы күйшілер [[Құрманғазы]], Дәулеткерей, Сейтек, [[Тәттімбет]], Қазанғап туралы монографиялық ғылыми -зерттеу еңбектері- қазақ музы
касының ғылыми тарихын жасауға қосылған қомақты үлес болды.

А.К. Жұбанов — қазақ халқының қазіргі заманғы кәсіби музыкасының негізін қалаған аға буын композиторлардың бірі. Ол халық күйлерін оркестрге лайықтап, нотаға түсірді және қазақ музыкасын күрделі аспаптық симфониялық шығармалармен байытты. Олар «Тәжік билері», «Қазақ билері», «Төлеген Тоқтаров», «Ария», «Вокалдық сюитасы», «[[Абай]] сюитасы», тағы басқалар. ''А.Жұбановтың қазақ музыка тарихына сіңірген еңбегі ұшан - теңіз''.

Композитор ретінде қазақтың музыкалық мәдениетіне өзіндік мелодиялық өрнек қосқан ондаған ән мен күйдің, [[Романс|романстар]] мен хорлардың, аспаптық симфониялық және вокальдық шығармалардың авторы. А. Жұбановтың композиторлық шығармаларының көрнектілері Л. Хамидимен бірлесіп жазған «Абай» (1944) және «Төлеген Тоқтаров» (1947) опералары, қызы [[Ғазиза Ахметқызы Жұбанова|Ғ. Жұбанова]] аяқтаған «Құрманғазы» (1970) операсы<ref>Қазақ тілі. Энциклопедия. Алматы: Қазақстан Республикасы Білім, мәдениет және денсаулық сақтау министрлігі, Қазақстан даму институты, 1998 жыл, 509 бет. ISBN 5-7667-2616-3</ref>.

А.Қ. Жұбановтың ғалым, педагог, композитор, орындаушы және ұйымдастырушы ретінде қазақтың музыкалық мәдениетіне сіңірген еңбегі ұлттың мәдени рухани шежіресіндегі ең көрнекті белестердің бірі болып қалады.

== Марапаттары ==
А.К. Жұбанов қазақтың ұлттық өнерін дамытуға қосқан үлесі үшін Қазақстан Мемлекеттік сыйлығының лауреаты атағына ие болған. Ленин орденімен, және тағы басқа ордендермен, медальдармен марапатталған.

== Естелік ==
Алматы қаласының көшелерінің біріне, Республикалық музыкалық мектеп-интернатқа А.Жұбанов есімі берілген. Ақтөбедегі музыка колледжі, көшелер А. К. Жұбанов есімінде. Өзі ұзақ жыл тұрған үйдің қабырғасында ескерткіш тақта орнатылған.

[[2006 жыл]]ы Ахмет Жұбановтың 100 жылдық мерейтойына орай Ғ. Жұбанова атындағы облыстық Филармония ғимаратының алдында композиторға арнап үлкен ескерткіш орнатылмақ. Ескерткіш авторлары — [[Ескен Аманжолұлы Сіргебаев]] пен [[Бақытжан Әлімбайұлы Әбішев]], архитектор — Женсен Айнабеков. Қоладан жасалған ескерткішті гранит плиткасымен қапталған тұғырға орнатады.<ref>[[Тарихи тұлғалар]]. Танымдық - көпшілік басылым. [[Мектеп]] жасындағы оқушылар мен көпшілікке арналған. Құрастырушы: Тоғысбаев Б. Сужикова А. – [[Алматы]]. “[[Алматыкітап баспасы]]”, 2009 ISBN 978-601-01-0268-2</ref><ref>Батыс Қазақстан облысы. Энциклопедия. — Алматы: «Арыс» баспасы, 2002
ISBN 9965-607-02-8</ref>

===Ахмет Жұбанов туралы фильм===
[[2006]] — [[Ахмет Жұбанов(фильм)|«Ахмет Жұбанов»]] режиссері: [[Қалила Наматұлы Омаров|Қ.Умаров]]. Жанр: [[Деректі Кино|“Деректі фильм”]] Өндіріс: [[Қазақфильм|“Қазақфильм”]] [[Шәкен Кенжетайұлы Айманов|Шәкен Айманов]] атындағы

2024 жылы "Жел үстіндегі вальс" телехикаясы.Телетуындыда сол дәуірдің өкілдері Ахмет Жұбанов, Латиф Хамиди, Евгений Брусиловский, Мұқан Төлебаев бастаған ұлы композиторлардың шығармашылық жолындағы көпшілік біле бермейтін оқиғалар көрініс табады.

«Қыз Жібек», «Абай», «Ер Тарғын», «Амангелді», «Жалбыр» секілді шоқтығы биік шығармалар жарық көрген төл мәдениетіміздің алтын дәуірі саналатын 1930-40 жылдардағы қазақ музыка және театр өнерінің тарихымен танысады.

'''Ахмет Жұбановтың''' рөлін актер Қайрат Набиолла, '''Евгений Брусиловский''' рөлін Филипп Волошин, '''Мұқан Төлебаевты''' Мерей Мұхтарұлы және '''Латиф Хамиди''' рөлін Бекзат Азаматұлы ойнайды.

'''Сценарий авторы:''' Евфрат Шарипов.<ref>https://beta.qazaqstan.tv/serials/zhel-ustindegi-vals</ref>

== Дереккөздер ==
{{дереккөздер}}

[[Санат:Қазақстан музыкатанушылары]]
[[Санат:Қазақстан сазгерлері]]
[[Санат:Қазақстан дирижерлері]]

{{Bio-stub}}

← Ескі түзетулер	14:27, 2026 ж. маусымның 25 кезіндегі түзету
(айырмашылығы жоқ)

Ахмет Қуанұлы Жұбанов - Түзету тарихы

Moderator: 1 түзету

19:04, 2026 ж. сәуірдің 12 кезіндегі Tuttiorchestra687 деген