MIM-72 Chaparral бетінің бастапқы мәтінін қарау

''MIM-72A/M48 Chaparral'' - ағылшын тілінен аударғанда ''тікенекті бұта'' деген мағына береді. ''Локхид Мартин'' компаниясы жасап шығарған америкалық өзі жүретін, зенитті-зымыран кешені. Зымыран кешені өмірге әкелу жұмыстары 1964 жылы басталған болатын. 1969 жылы Америка армиясының қарулы күштерінің қаруы санатына енгізілді. Чепарел кешенінің бастапқы нұсқасы кейін бірнеше рет өзгеріске ұшырап, жанартылды. Ату қашықтығы: тікұшақ тектес нысандарды - 500-8000 метрден, ұшақ тектес нысандарды 500-9000 метрден атып түсіреді. Атып тигізу биіктігі: 1,5-3000 метр аралығында. Зымыранның ұзындығы - 2,90 метр, диаметрі - 0,12 метр. Қанатының ауқымы - 0,63 м. Зымыранның салмағы - 86,2 келі. Ұрысқа қатысатын бөлігінің салмағы - 12,6 келі. Америка әскери қаруы санатына енгізілген MIM-72 Чепарел зенитті зымыран кешені ФЛИР жүйесімен жабдықталған. Ол іске қосылатын құрылғының сол жағына орналасқан. Соның арқасында түнде атуға да мүмкіндік береді. Басқа зымыран кешендерінен басты айырмашылығы - ''Детройт дизель'' фирмасының жоғары сапалы, әлеуетті 202 киловаттық 6V53T дизелін пайдаланады. Қазіргі кезде MIM-72 Чепарел зенитті зымыран кешені шығарылмайды. Ол АҚШ, Египет, Израиль, Марокко, Португалия, Тайвань және Тунис елдерінің қарулы күштері қатарында тұр. Әскери ұрыстарда MIM-72 Чепарел ең алғаш рет Голан биіктігінде израиль армиясы тарапынан қолданылды. Ол 1973 жылы соғыстың соңғы сәтінде ''МиГ-17'' ұшағын атып түсірді. Ал 1982 жылы Израиль шабуылы кезінде сириялық ұшақты дәлдеп атты.

==Дереккөздер==
Қару-Жарақтар, Д.Мазен.

[[Санат:Қарулар]]