Әлдихан Қалдыбаев бетінің бастапқы мәтінін қарау

[[Сурет:Әлдихан Қалдыбаев.png|right|thumb]]
'''Әлдихан Қалдыбаев ''' ([[1939 жыл]] [[3 қазан]] [[Жамбыл облысы]] [[Шу ауданы]] «[[Кербұлақ]]» - [[10 қараша]] [[2015 жыл]]) - балалар жазушысы.


1963 жылы Қазақ мемлекеттік университетінің [[филология]] факультетін бітірген. Еңбек жолын 1963 жылы [[Қызылорда облысы]]ның Арал ауданындағы Бөген орта мектебінде қазақ тілі мен әдебиеті пәнінің мүғалімі болып бастаған. 1965 жылдан Жамбыл облыстық [[телевизия]] және [[радио]] хабарларын тарату жөніндегі комитетінде [[редактор]], облыстық «Еңбек туы» газетінде әдеби қызметкер, Жамбыл облыстық партия комитетінің нұсқаушысы болып қызмет атқарды. 1976—1995 жылдары облыстық «Еңбек туы» (кейін «Ақ жол») газеті редакторының орынбасары, облыстық «Ақ жол» газетінің бас редакторы болған. Қазақстан Жазушылар одағы басқармасының мүшесі, Қазақстан Жазушылар және Журналистер одақтары облыстық ұйымдарының төрағасы болған. Қазір зейнеткер.

Балалар мен жасөспірімдерге арналған 
* «Көк дөңгелек» (1962), 
* «Қос тентек» (1964), 
* «Су тасушы Әшірбек» (1969),
* «Байнаш солдат» (1969), 
* «Шаншар атай» (1970),
* «Мишка — менің досым» (1973), 
* «Өзен жағасында» (1975), 
* «Солдат болу оңай ма?» (1975), 
* «Менің ағам — солдат» (1980), 
* «Көк дөңгелек» (1985),
* «Автобус аялдамасы» (1990) кітаптарының авторы. 
* 1999 жылы «Ата» деген атпен таңдамалы шығармалары, 
* 2002 жылы «Мен — апамның баласымын» атты романы, 
* 2004 жылы екі томдық таңдамалы шығармалары, 
* 2008 — 2009 жылдары төрт томдық шығармалары,
* 2009 жылы «Көңіл көмбесі» атты кітабы жарық көрген. 

Жазушының бірқатар туындылары [[орыс]], [[белорус]], [[армян]], [[түрікмен]], [[татар]] тілдеріне аударылған.

«Шаншар атай» деп аталатын комедиясы 1980 жылы Жамбыл облыстық [[драма]] театрында койылып, балалар мен жастарға арналған спектакльдердің бүкілодақтық байқау-конкурсында бірінші орынға ие болды. «Қайран Ынтықбай ағай-ай» комедиясы қазақ телевизиясының алтын қорына енген. “Сәлім-Сәлима” атты драмасы еліміз театрларының бірнешеуінде қойылған. 2009 жылы [[Түркістан]] сазды-драма театрында «Әкімнің туған күні» атты трагикомедия қойылған.

“Құрмет” ордерінің иегері, Қазақстан Республикасының еңбек сіңірген мәдениет қызметкері. Қазақстан Республикасы Білім беру ісінің үздігі, Жамбыл облысының Құрметті азаматы, Халықаралық “Алаш” әдеби сыйлығының және Қазақстан Журналистер одағы сыйлығының лауреаты.<ref>Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл</ref>

==Дереккөздер==
<references/>

[[Санат:3 қазанда туғандар]]
[[Санат:1939 жылы туғандар]]
[[Санат:Шу ауданында туғандар]]
[[Санат:10 қарашада қайтыс болғандар]]
[[Санат:2015 жылы қайтыс болғандар]]
[[Санат:Қазақстан жазушылары]]
[[Санат:Қазақстан журналистері]]
[[Санат:Қазақстанның еңбек сіңірген мәдениет қайраткерлері]]
[[Санат:Қазақстан білім беру ісінің үздіктері]]
[[Санат:Халықаралық «Алаш» әдеби сыйлығының иегерлері]]
[[Санат:Құрмет орденінің иегерлері]]
[[Санат:Жамбыл облысының құрметті азаматтары]]