Қос күш бетінің бастапқы мәтінін қарау

[[Сурет:Couple of forces.png|thumb|right]]
'''Қос күш'''– [[Қатты Дене|қатты денеге]] әсер ететін, шамалары тең, бағыттары қарама-қарсы (P=–P), өзара параллель екі күштің жүйесі . Қос күш өзі түскен денені айналдыруға тырысады. Оның тең әсерлі күші болмайды. Қос күштің қатты денеге әсер ететін сызықтарының арақашықтығы оның [[иін|иіні]] (l), ал Қос күштің денеге әсерін сипаттайтын [[векторлық шама|векторлық]] физикалық шама Қос күштің моменті (М) деп аталады: M=[Рxl]. Қос күштің шамасы мен иінін өзгерткенде оның моменті (M) тұрақты болса, онда Қос күштің денеге әсері де тұрақты болады. Сондықтан Қос күштің моменті (M) еркін вектор болып есептеледі; оны дененің кез келген нүктесіне түсіруге болады. Бір денеге түсірілген, моменттері бірдей (M1=M2) екі Қос күш бір-біріне механикалық эквивалентті болып табылады. Кез келген жүйенің Қос күштерінің моменттерінің геометриялық (векторлық) қосындысы нөлге тең болса, ондай жүйе теңгерілген жүйе деп саналады.<ref name="source1">"Қазақ энциклопедиясы", VI-том</ref>

==Тең әсерлі қос күш==
Тең әсерлі қос күш –– берілген қос күштердің әсерін өзгертпей ауыстыруға болатын бір қос күш.<ref>Орысша-қазақша түсіндірме сөздік: Механика / Жалпы редакциясын басқарған э.ғ.д., профессор Е. Арын - Павлодар : «ЭКО»ҒӨФ. 2007.-29 1 б. ISBN 9965-08-234-0</ref>
==Пайдаланған әдебиет==
<references/>
{{stub}}
{{wikify}}

[[Санат:Физика]]
[[Санат:Сөздік]]
[[Санат:Механика]]