Қозы Көрпеш – Баян Сұлу бетінің бастапқы мәтінін қарау

[[Сурет:Қозы көрпеш - Баян сұлу кесенесі.jpg|250px|thumb|оңға|Қозы көрпеш – Баян сұлу кесенесі]]
'''Қозы Көрпеш – Баян Сұлу''' — XIII-XIV ғасырлардан бастап жырланып, XIX ғасырдың ортасында қағазға түскен [[Қазақтар|қазақ]] халқының [[Лиро-эпостық жырлар|лиро-эпостық жыры]].

Поэма Сыбанбай, Бекбау, [[Жанақ Сағындықұлы|Жанақ]], [[Шөже Қаржаубайұлы|Шөже]] ақындардың орындауында ауызша таралған. 20-ға жуық нұсқасының ішінен ең белгілісі – Жанақтың нұсқасы. Алғаш ел арасынан жинап, хатқа түсіргендер: Г.Саблуков (1830), Ғ.Дербісалин (1834), А.Фролов (1841), [[Шоқан Шыңғысұлы Уәлиханов|Шоқан Уәлиханов]] (1856). Жырдың мазмұнын М.Путинцев [[орыс тілі]]не аударып бастырды (1856), кейін [[Василий Васильевич Радлов|В.Радлов]] "Түркі тайпаларының халық әдебиеті үлгілері" жинағының 3-томына еңгізді (1870).

==Сюжеті==
Жыр Сарыбай мен Қарабайдың аң аулап жүріп құда болып, Қозы мен Баянды күні бұрын атастыруынан басталады. Сол кезде аң аулап жүріп, ұлды болғанын естіген Сарыбай, баласын көре алмай қаза табады. Атастырылып қойған Қозы мен Баян жүздерін көрмегенімен, бір-біріне ғашық болады. Уақыт өте келе сараң Қарабай қызын жетім ұлға бергісі келмей, бір кезде отарын жұттан құтқарған, жергілікті палуан Қодарға ұзатпақшы болады. Қос ғашықтың арасына тосқауыл болған Қодар айласын асырып, зұлымдықпен Қозының басын алады. Қайғыдан қабырғасы қайысқан Баян өш алу үшін қулыққа көшеді. Ол Қодарға өзіне құдықтан су алып берсе, күйеуге шығатынын айтады. Алданған Қодар Баянның шашынан ұстап, құдықтың түбіне түсе бергенде, айлакер қыз бұрымын кесіп тастайды: Қодар түпсіз тұңғиыққа құлап, қаза табады. Сөйтіп Қозының кегі қайтарылады. Батыр қыз ғашығының күмбезіне келіп, өзіне қанжар салып қол жұмсайды.<ref name="”source1”">“Балалар Энциклопедиясы”, V-том</ref>

==Жырдың негізгі идеясы==
«Қозы Көрпеш - Баян сұлу» поэмасының  негізгі  идеялық-мазмұны  сол  дәуірдегі жастардың  сүйіп қосылуын  арман еткен тілек-мүдделерді қамтиды. Әуелде поэманың идеялық бір сабағы жесір дауымен байланысты болғанға ұқсайды. «Жесір ерден кетсе де, елден кетпейді» деген пікірді де сабақтастырған. Кейін ол жақтары көмескіленіп, сүйіспеншілік мәселесі негізгі орын алып, оқиға тек сол тақырыптың айналасына ғана шоғырланып, басқа жайттар тек соны дәлелдеуге жарарлық дәрежеде қалған. Поэманы оқыған адамның мақсаттарына жете алмай, өмірден арманда өткен екі жасты  аяйтыны да, олардың қосылуына көлденең тұрған Қарабай мен Қодарға қарғыс айтатындығы да сондықтан.  Жырда [[айтыс]], тұрмыс-салт жырлары: [[естірту]], [[жоқтау]], [[қоштасу]], т.б. кеңінен қолданылады. Сыбанбай, Бекбау, [[Жанақ Сағындықұлы|Жанақ]], [[Шөже Қаржаубайұлы|Шөже]], т.б. ақындар әр кезде дастан оқиғасын өздерінше жырлаған.

==Зерттеулері мен аудармалары==
Жырда көптеген салт-дәстүр түрлері бар. Мысалға: Белқұда, [[Жар-Жар|Жар-жар]], Ежеғабыл және т.б.

Орал қаласына "[[Пугачев бастаған шаруалар соғысы|Е.И.Пугачев бастаған көтеріліс]]" жайлы ақпарат жинауға келген [[Александр Сергеевич Пушкин|А.С. Пушкин]], жыр желісімен танысып, қызығушылық танытып, үзінділерін жазып алған.<br />
Бұл жырды С.Кастанье, Н.Абрамов, Г.Потанин, т.б. ғалымдар жоғары бағалаған. Н.Пантусов, Р.Әбдірахманов, Е.Баранов, т.б. зерттеушілер жырды орыс тіліне қара сөзбен тәржімалап, жариялады.
Жазушы Г.Твертин (1889 – 1921) орыс тіліне тұңғыш рет өлеңмен аударып бастырды (1927 – 35). 1878, 1890, 1894 және 1905 ж. Қазан қаласында жеке кітап болып жарық көрді. Кеңестік дәуірде алғаш 1925 ж. Мәскеуде шықса, жырдың Жанақ нұсқасын 1936 ж. [[Мұхтар Омарханұлы Әуезов|Мұхтар Әуезов]] Алматыда шығарды. Жырды [[Мәлік Ғабдуллин]], [[Ысқақ Дүйсенбаев]], [[Әуелбек Қоңыратбаев]], т.б. ғалымдар салыстыра зерттеген. Дастанның басқа да түркі халықтарында тараған нұсқалары бар.<ref name="”source1”"/>

==Жырдың кейіпкерлері==
'''''Қозы''''' — бастапқы кейіпкер. Ол алдынан шыққан қиыншылықтарға қарамастан, өз сезіміне берік болып, шынайы махаббаттың бар екендігін дәлелдейді.<br />'''''Баян''''' — ақылына көркі сай Баян сүйгеніне ешкімді ауыстырмайтын, өзінің антына берік, өз сезімі үшін күресе білетін жағымды кейіпкердің бірі.<br />'''''Қодар''''' — Қозы мен Баянның арасына түскен жағымсыз образдың бірі. Махаббат оқиғасында әрқашанда екі ғашықтың арасына түсетін жағымсыз кейіпкер. Шын аты - Әбдіжаппар.<br />'''''Сарыбай''''' — Қозының әкесі. Ол өте батыл, ақылды, қайсар адам.<br />'''''Қарабай''''' — бүкіл зұлымдықтың иесі, ол жырдың өң бойында қара ниетті, сараң, ойлайтыны тек бас пайдасы, есіл-дерті тоқсан мың жылқысы.Өз туған қызын Қодарға өз пайдасы үшін береді. «Қарабай» деген есімі оны толық мінездеп, әрі бағалап тұр: қарау, пасық, арам жан деген мағыналарды береді. Қарабайдың мінез-құлқы, пиғылы, іс-әрекеті мұны толық дәлелдейді.<br />
'''''Айбас''''' — жырдағы өте ұнамды кейіпкердің бірі. Қозы Көрпеш ержеткенде Баян сұлудың бірінші рет барып көргені Қозының ағасы Айбас.<br />'''''Ай мен Таңсық''''' — Қарабайдың асырынды қыздары.

==Қозы Көрпеш - Баян Сұлу трагедиясы==
{{Толық мақала|Қозы Көрпеш – Баян Сұлу (пьеса)}}
[[Ғабит Махмұтұлы Мүсірепов|Ғ.Мүсіреповтің]] халық жыры негізінде жазған 4 перделі, 7 суретті трагедиясы. Шығарма 1939 ж. сәуір айында жазылып біткен. Трагедия алғаш рет [[Мұхтар Әуезов атындағы Қазақ ұлттық драма театры|Қазақ академиялық драма театрында]] режиссер М.Г. Насоновтың сахналауымен 1940 ж. 29 сәуірде көрермен назарына ұсынылды. [[Спектакль]]ге О.Жұмағұлов (Қозы Көрпеш), Ж.Жалмұхамедова (Баян), М.Шамова мен Р.Қойшыбаева, С.Қожамқұлов (Қарабай), Е.Өмірзақов пен Қ.Әділшінов (Жатық), [[Шәкен Кенжетайұлы Айманов|Ш.Айманов]] пен Ә.Хасенов (Қодар), т.б. актерлер қатысты. Пьеса бірнеше рет орыс тілінде басылған,<ref>Г.Мусрепов, "Козы Корпеш - Баян сулу", М. - Л., 1945; "Пьесы драматургов Казахстана", А., 1958</ref> эстон тілінде кітап болып шыққан (1948, Таллин). "Қ. К. - Б. с." 1950 ж. Мәскеу драма театрында "Махаббат дастаны" деген атпен қойылды, сондай-ақ, КСРО Республикаларының театрларында бірнеше тілдерде сахналанды. Ғ.Мүсіреповтің "Қозы Көрпеш - Баян сұлу" пьесасынан көрініс. Қозы - Т.[[Тілектес Уахитұлы Мейрамов|Мейрамов]], Баян - Б.Жанғалиева. Қазақ академиялық драма театры 1983 ж.<ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>

==Қозы Көрпеш - Баян сұлу күмбезі==
{{Толық мақала|Қозы Көрпеш – Баян Сұлу кесенесі}}
Қозы Көрпеш пен Баян сұлудың ізі тек жырда ғана қалған жоқ, қос ғашықтың көзіндей болып келе жатқан мазар да бар. Бұл мазар Шығыс Қазақстан облысы, Аягөз ауданы, Таңсық теміржол бекетінен 10 шақырымдай жерде, Аягөз өзенінің бойында орналасқан. Жалпы биіктігі – 12 метрге жуық. Мазар табаны төрт бұрышты таған түрінде болып келеді. Сырт жағынан ауданы 7,10x7,10 м, ішкі жағынан 3,38x3,38 м, жоғары қарай сүйірленіп, қүмбезделіп өрілген. Қабырғасы гранит қалақ тас пен сабан аралас балшықтан қаланған. Есігі күншығысқа қарап тұр. Ескерткіштің тұрғызылған уақыты туралы әртүрлі пікірлер бар. Бір зерттеушілер V-X ғасырда көтерілген десе, енді бірі X-XI ғасырда орнатылғандығы туралы айтады.  Бұл кезеңдерде адам мүсіндері тастан ойып жасалынған және олар жоғары бағаланған. Қос мұңлық күмбезінің салынуы жайлы да түрлі деректер кездеседі. Соның бірі Жанақ ақынның жеткізуі бойынша, күмбезді Айбас 50 мың адаммен бірігіп салған. Ол үшін жақын жердегі таудан тастар әкелінген. Тау мен Аягөз өзенінің бойында көптеген тайпалардың мыңдаған кісілері атпен тізбектеле тұрып, бір қолдан бір қолға беріп жеткізіп тұрған. Олар үш көш жерден (90 километр) тас тасып, Аягөздің биік белесінен күмбез жасайды. Ол күмбез әлі тозған жоқ, оларды ұмыттырмай, артында белгі болып келеді (''Жанақ'').<
:::::''Өлсе - дағы Қозыкем арманы жоқ, ''
:::::''Сурет болып бітіпті Аягөзге. ''
:::::::::::::(''Жанақ''.)
Халық аңызы бойынша, Қозы Көрпеш - Баян сұлу күмбезі қаланған тасты басқа бір таудан әкелген.
Аягөз бойында тұрған бұл кешен мен оның ішіндегі мүсін тастар - исламнан көп бұрын жасалған өте ескі дәуірдің белгілері. Олар Түрік қағанаты кезінде (VI - VIII ғғ.) шыққан. Адамның суретін салған мүсін тасты халық сол кезден ерекше қадірлеген. Және бір ғажайып жері, олардың аты тек қана мүсін таста сақталып қоймай, жер аттарына да қойылып отырған. Оның зор дәлелі Баянның атымен аталатын сол жердегі «Баян жүрек» тауы, Аягөзге құятын екі өзеннің бірінің аты - Айтаңсық, бірінің аты - Айғыз. Бұлардың барлығы бір кездегі тарихта болған оқиғаны еске түсіріп, солардың халық ортасына көп тараған терең сырларын сақтап келген, әсіресе «Баян жүрек» тауы. Баян мен Қозы Көрпештің жиі қосылып сүйіскен жері деп білу керек.Ал қазақтың тұңғыш ғалымы Ш.Уәлихановтың зерттеулеріне сүйенсек, Аягөз өзені бойында төрт балбал тастар болған. Тастан жасалған бұл мүсіндер жырдағы кейіпкерлердің нақты бейнелерін кейіптейді. Оның үшеуі әйел адамдар: Баян және Баянның сіңлілері Ай мен Таңсық, ал ер адам – Қозы. Жырдағы ең жарқын түрде айтылатын әдемі сурет Қозы Көрпештің кешені мен оның ішінде тұрған осы төрт мүсін тас. Олар туралы жырда былай делінген:<br />
:::::''Суреті Аягөздің тасында тұр, ''
:::::''Қабыры екеуінің қасында тұр, '' 
Сондай-ақ, ғалым ескерткіштің биіктігіне таң қалып, «тоғыз адам бірінің үстіне бірі мініп тұрған кезде, ең үстіндегісі ғана күмбезге қол жеткізе алады» деген пікір білдірген. Жырды зерттегенде, ғалымдардың да аса көңіл қойып, қызыға қарағаны, әсіресе, Көрпеш пен Баян сұлудың тарихи заманнан келе жатқан ұлы мұнарасы, сәулетті етіп жасаған биік кешені. Ескі қазақтар ондай құрылысты «дың», «діңгек» деп атаған. Мұндай ескерткіштер Қазақстанның көп жерінде осы күнге дейін сақталып келеді.
Ескерткіш тек халық жадында, аңыз беттерінде емес, ақын жырларынан да өзіндік орнын алып жүр. Оған бірден бір дәлел – <br />
<br />
"Аяқтап болып махаббат дейтін сапарды,
<br />
Қозы мен Баян моласы, міне, атанды.
<br />
Қалауын қанша тапқаныменен, қара тас,
<br />
Қайырымсыз ата Қарабайдайын қатал-ды" – деп басталатын М.Мақатаевтың «Махаббат моласы» өлеңі.

==Аналогтары мен өңдеулері==
Кейбір түркі халықтарының фольклорларында жырдың басқа нұсқалары кездеседі. Мысалы, [[башқұрттар]]да — «Кузы Курпеш мэнен Маян сылу», [[Татарлар|барабан татарларында]] — «Козы Корпеш», [[алтайлықтар]]да — «Козы Эркеш» деп аталады.<br />Жыр желісі бойынша Ғабит Мүсіреповтың «Қозы Көрпеш – Баян сұлу» пьесасы, 1954 жылы сол Мүсіреповтың сценарийі бойынша «Махаббат туралы поэма» фильмі түсірілді.<br />1992 жылы танымал қазақ режиссері мен актері [[Асанәлі Әшімұлы Әшімов|Асанәлі Әшімов]] «Қозы Көрпеш – Баян сұлу» кинофильмін түсірді.

==Қызықты мәліметтер==
*[[Әулие Валентин күні]] христиандық мейрам болғандықтан, «[[15 сәуір]] — Қозы Көрпеш — Баян Сұлу күні», ғашықтар күні болып белгіленді. Бұл идеяны көтерген ''Дархан Мыңбай'' деген [[Түркістан облысы|ОҚО]] тұрғыны. Мереке [[1999 жыл]]дан бері атап өтіліп келеді.
*Жырға сүйенсек Баянның сәлемдемелерін Қозыға жеткізер жолында Айбас барлығын әр жерде құлатып алған. Сол жерлер Баянның жіберген заттарымен аталған. Ал кейбір мекендерге Айбастың өзі атау беріп отырған. Мысалы: Жамшы (Тоқырауын), Қарқаралы, Домбыралы-Моншақты Баянауыл, Жауырбұғы және т.б.

==Сыртқы сілтемелер==
*[http://ikitap.kz/ru/book-tags/kozy-korpesh-bayan-sulu-zhyry Қозы Қозы Көрпеш - Баян сұлу жыры]
*[http://massaget.kz/15-suir/1367 Қозы Көрпеш - Баян Сұлу күнінің тарихы]

== Дереккөздер ==
{{дереккөздер}}

[[Санат:Қазақ жырлары]]
[[Санат:Трагедиялар]]
[[Санат:Қазақ ғашықтары]]
[[Санат:Лирикалық жырлар]]