Ғалы Сағындықұлы Базаров бетінің бастапқы мәтінін қарау

'''Ғалы (Мұхамбетқали) Сағындықұлы Базаров''' ([[1910 жыл]], [[Торғай уезі]], [[Қараторғай болысы]] [[Ағаштыкөл]] ауылы) - Ақын, жыршы, соғыс ардагері.

Мұсылманша әжеуптәуір білім алған Ғалы жас шағынан жыр жаттап, жиын-тойларда ән салып, аң аулап, серілік құрған.
* 1941-1945 жылдардағы Ұлы отан соғысында тапқырлығы мен батыл қимылдары үшін армия қолбасшысы Г.К. Жуковтан тоғыз рет алғыс алған.
* Соғыстан жеңіспен оралған соң «Ағаштыкөл» ұжымшарында ұзақ жылдар бойы бригадир, ферма меңгерушісі болып қызмет атқарған.

Ғалы Базаров ауыл тұрғындарын үйіне жинап «[[Көрғұлы]]», «[[Көрғұлы мен Безерген]]», «[[Науазхан]]», «[[Наурызбай мен Қаншайым]]» жырларын жатқа айтқан. Ол осындай тоғыз қиссаны жатқа білген. «Ағаштыкөл» ұжымшарының төрағасы, ауруханада жатқан Шілдебай Ахметовтың атынан жазған ұзақ толғауы өмір, адамгершілік, достық, сыйластық қарым-қатынас, еңбекқорлық, отаншылдық мәселелерін қозғайды. Көптеген жоқтау жырлары сақталған. Торғай өңірінде ХІХ ғасырдың ортасында болған айтулы оқиғаларды арқау етіп, аса қымбат тарихи деректер беретін «[[Шашамбай болыс өлген соң]]», «[[Сейтқасым – Әмбал]]» тарихи дастандарын жазды. Бұл туындылары жергілікті газетте жарық көрді. 

Ағайындас ақын Әбілжан Өтеев дүниеден озған соң, бітіре алмай кеткен діни тақырыптағы «Сейітбаттал» дастанының соңғы тарауларын жазды.<ref>«Торғай елі» энциклопедиясы 97 бет</ref>

== Дереккөздер ==
{{дереккөздер}}

[[Санат:1910 жылы туғандар]]
[[Санат:Торғай уезінде туғандар]]
[[Санат:Ұлы Отан соғысының қатысушылары]]
[[Санат:Қазақстан жыршылары]]
[[Санат:Қазақстан ақындары]]