Яна-Индигирка Ойпаты бетінің бастапқы мәтінін қарау

[[File:Indigirka.png|thumb|Alt=A.|Индигирка]]
'''Яна-Индигирка Ойпаты''' – Шығыс [[Сібір]]дегі [[Лаптев теңізі|Лаптевтер]] мен [[Шығыс Сібір теңізі|Шығыс Сібір теңіздері]]нің жағалауындағы ойпатты жазық. [[Саха Республикасы]]ның жерінде. Батыста Буорхая қолтығынан шығыста Индигирка өзенің атырауына дейін 600 км-ге созылып жатыр. Ені 300 км. [[Ойпат]] [[теңіз]] деңгейінен негізінен 50 – 80 м биіктікте. Түпкі тау жыныстарынан тұратын жеке күмбез тәріздес [[қырат]]тар мен [[қырқалар]]дың биіктігі 300 – 400 метр және одан да асады ([[Әулие Тұмсық мүйісі]] ауданындағы массив 488 м). Қатпарланған [[мезозой]] шөгінділерінен тұратын іргетасты төрттік кезеңнің теңіздік және [[аллювий]]лік - көлдік шөгінділерінің қалың қабаты жапқан. Олардың аралықтарында тұтас [[мұз]] қабаттары жиі кездеседі. Климаты қатаң. Қаңтардағы орташа температура –30 – 38<sup>0</sup>С, абсолюттік минимум –45 – 50<sup>0</sup>С. Жазы бұлыңғыр, [[салқын]], тұман жиі түседі. Шілдедегі орташа температура 4 – 12<sup>0</sup>С. Жылдық жауын - шашын мөлшері 150 – 250 мм. Өзендерінің ағысы баяу, көктемнің басында тасиды. [[Қазан]] айынан мамырдың соңына дейін қатып жатады. Ең ірілері [[Яна]] мен [[Индигирка]]. Ойпат түгелдей [[тундра]] белдемінде. Қиыр солтүстігін [[селдір мүк]] пен [[қына]] жапқан арктикалық тундра алады. Орта тұсы мүкті - қыналы тундра. Оңтүстік аудандарын бұтақты тундра жапқан. Өзен аңғарларында батпақталған сирек балқарағай ормандары кездеседі. Кіші белдемдердің бәріне де [[гипнум]]ды - шөпті батпақтар тән. Халық аз қоныстанған. Елді мекендер өзен аңғарларында орналасқан. Жергілікті халық [[балық]] аулаумен және [[аңшылық]] кәсіпшілікпен айналысады. Аз мөлшерде [[бұғы шауашылығы]] дамыған.<ref>«Қазақстан»: Ұлттық энцклопедия / Бас редактор Ә. Нысанбаев – Алматы «[[Қазақ энциклопедиясы]]» Бас редакциясы, 1998 жыл. ISBN 5-89800-123-9, X том</ref>
==Сілтемелер==
* [[Ойпат]]
* [[Саха Республикасы]]
* [[Қазан]]
== Дереккөздер ==
<references/>
{{wikify}}

[[Санат:География]]


{{stub}}