Ы. Алтынсарин атындағы Қостанай облыстық балалар мен жасөспірімдер кітапханасы бетінің бастапқы мәтінін қарау

{{Кітапхана
| кітапхана атауы = Ы.Алтынсарин атындағы балалар мен жасөспірімдер кітапханасы 
| Орналасқан орыны= [[Қостанай облысы,Қостанай қ.]], [[Қасымқанов к.]], № 74
| Ашылған мерзімі = 1958 ж.
| Жинақтар: = қазақ, орыс, ағылшын тілдеріндегі балалар мен жасөспірімдерге арналған әдебиет, нота басылымдары. Балалар мен жасөспірімдерге арналған мерзімдік басылымдар; көркем әдебиет, педагогикалық  басылымдар, кітапхана ісі бойынша ғылыми- әдістемелік басылымдар, өнер, интерьер, сән бойынша басылымдар.
|Жинақ өлшемі: 162252  дана
| Жазылу шарты:  =   Мектепке дейінгі жастағы балалар,  1-11 сынып оқушылары, жасөспірімдер,  21 жасқа дейінгі жастар және жұмысы тәрбиелеу, білім беру саласына қатысты, оқушылар, студенттер, жұмысшы жастардың бос уақытын ұйымдастыратын оқырмандар. 
|Жыл сайын беріледі = 230807 дана
|Оқырмандар саны =11032  адам
| Өзге де ақпараттар: 
| директор               = [[Теплякова Н.М.]]
| Кітапхана қызметкерлері = 29 адам
| веб-сайт               = [http://www.allib.org]
| электронды пошта= [allbiblio@yandex.ru]
}}
Ы.Алтынсарин атындағы облыстық балалар мен жасөспірімдер кітапханасы — балалар мен жасөспірімдерге ақпараттық қызмет көрсететін мемлекеттік мекеме. Кітапхананың мақсаты- кітап оқуды жас ұрпақтың қызғылықта да тиімді демалыс уақытына айналдыру, балалардың, жасөспірімдердің, жастардың рухани дамуына жағдай жасау.
Кітапхана Қостанай қаласының сәулет ескерткіші болып саналатын көпес Вороновтың үйінде орналасқан.

=== Кітапхана ғимаратының тарихы: ===
Көпес Вороновтың үйі XX ғасырдың басында салынған. Үймен бірге барлық шаруашылық құрылыстары, соның ішінде ат қора да Вороновқа тиесілі болды. Кірпішпен асқан шеберлікпен қалануы, өңдеу жұмыстары, кірпіштермен әсем өрнектелген беткі бейнесі, жертөленің тереңдігі мен беріктігі таң қалдырмай қоймайды. Үй жертөлесінің қабырғасының қалыңдығы жарты метрден астам. Жергілікті қазына іздеушілердің пікірінше осы үй құпияға толы. Кеңес Үкіметі орнағаннан кейін ғимараттарға түрлі мемлекеттік мекемелер орналасты. Соғыстан кейінгі жылдары бұнда ауыл шаруашылық басқармасы, асхана және мейрамхана тресі, Л.Толстой атындағы облыстық кітапхана болған. 1979 жылы осы ғимаратта облыстық жасөспірімдер кітапханасы, ал 1992 жылы — Ы.Алтынсарин атындағы облыстық балалар мен жасөспірімдер кітапханасы орналасты.

== Кітапхана тарихы ==
Кітапхана тарихы Облыстық балалар кітапханасы болған жылдар 1958 жылдан бастау алады. Кітапхананың алғашқы директоры Свистунова М. Д. болды. Алғашында кітапхана қалалық балаларр кітапханасында орналасып, қорды жабдықтап, өңдеумен айналысты. 1959 жылы кітапханаға жас көрермен кинотеатрының бір бөлмесі бөлінді. 1960 кітапхана көпес Лоренцтің үйіне көшірілді. Жөндеу жұмысы жүргізіліп, жыл өткен сайын кітапхана кеңейіп, өз кітап қорын арттыра берді. 1964 жылы кітапханаға Аркадий Петрович Гайдардың есімі берілді.
1978 жылы Қостанайда 10 бірлік штатпен Облыстық жасөспірімдер кітапханасы ашылды. Кітапхана көрме залының жертөлесіне орналасып, қорды жабдықтаумен айналысты, оқырмандарға қызмет көрсете қойған жоқ. 1979 жылы жасөспірімдер кітапханасына Повстанческая (қазіргі Қасымқанов) көшесіндегі ғимарат берілді. 1980 жылдың қаңтарында кітапхана оқырмандарға есігін айқара ашты. 1984 жылы кітапхана өңделіп, алғашқы бейнесін қайта тапты. 1991 жылы жасөспірімдер кітапханасына ұлы қазақ ағартушысы Ыбырай Алтынсарин есімі берілді. 1992 жылдың тамызында А. П. Гайдар атындағы облыстық балалар кітапханасы мен Ы.Алтынсарин атындағы облыстық жасөспірімдер кітапханасы Ы.Алтынсарин атындағы облыстық балалар мен жасөспірімдер кітапханасы болып бірікті.

1999 жылы кітапхана «Қиял әлемі» бағдарламасын жүзеге асыруға «Фонд Сорос Казахстан» грантына ие болды.  2000 жылы «Ежик» (аббревиатура: Е-ежеквартальный, Ж-журнал, И –интересной, К – компании) балалар шығармашылығының журналы жарық көрді.  Осы жылы кітапхана сайты ашылды. 2002 жылы АҚШ Мемлекеттік Департаментінің шақыруымен кітапхана директоры Теплякова Н.М. Америкаға барып келді.

2009 жылы кітапхана ғимаратына күрделі жөндеу жасалып, ғимараттың екінші бөлігі дұрысталды, оған кітапхананың бірнеше бөлімі орналастырылды. 2010 жылғы жөндеу нәтижесінде кітапхана өз алаңын кеңейтіп, оқырмандарға жұмыс істеуге жаңа орындар бөлінді: виртуалды- анықтама қызметі, топаралық қарым қатынас бөлмесі, дәріс залы; кітапхана ауласы өзгертіліп, жайлы патио пайда болды. Кең аула іс- шараларды таза ауада өткізуге мүмкіндік береді. Кітапхана жаңа жабдықтармен жабдықталды (тиімді сөрелер, өрт қауіпсіздік жүйесі), компьютер саны көбейді.

== Кітапхана бөлімдері ==
* 0-6 сынып оқушыларына қызмет көрсету бөлімі
* 7-11 сынып оқушылары мен жасөспірімдерге қызмет көрсету бөлімі
* Өнер секторы
* Анықтама-библиографиялық бөлім
* Ғылыми-әдістемелік бөлім
* Әдебиетпен жабдықтау, өңдеу және сақтау бөлімі
* № 2 кітап беру пункті

== Кітапхана қоры ==
Кітапхана қоры 2015 жылдың 1 қантарына 162252  дананы құрады. Жыл сайын кітапхана қорына орташа есеппен 5353 дана түседі. Кітапхананың негізгі қоры қазақ, орыс тілдеріндегі көркем әдебиет. Қазақ тіліндегі қор  25567 дананы құрайды.

== Жобалар, іс-шаралар, жетістіктер ==
Балалар кітапханалары құылғаннан күннен бастап қала өміріне қызу араласты. 1959 жылдан бастап кітапхана жыл сайын Балалар мен Жасөспірімдер кітабы апталығын өткізіп келеді. 1989 жылы Балалар кітабы апталығына балалар ақыны Валентин Берестов келді. Жасөспірімдер кітапханасында ленинградтық жазушы Суслов В.Н, молдаван ақын Шибру Т. Г.,өзбек ақыны Бутаев Ш қонақта болды.
Әр түрлі уақыт аралығында кітапханада түрлі бағыттағы клубтар жұмыс істеді. Дж. Р. Толкиен шығармаларының табынушылары «Орден Толкиенистов» клубында бас қосып, театрлық қойылымдар қойып, әдеби шығармашылықпен айналысты. «Заң және сен» клубының жұмысы жасөспірімдердің құқықтық мәдениетін арттыруға бағытталды. Тағы бір орден «Феникс ордені» өз қатарына Дж. Роллинг шығармашылығына табынушыларды жинады. Бүгінгі күні кітапханада «Ата — аналар» клубы, «Шығармашылық аймағы» әдеби студиясы, «Шебер қолдар» сәндік -қолданбалы өнер үйірмесі жұмыс істеуде.
Жыл сайын Балалар кітабы апталығы, Жасөспірімдер кітабы апталығы, Халықаралық балалар кітабы апталығы жүргізіліп тұрады.
* 2010 жыл
«Оқырман Қостанай» фестивалі
* 2011жыл 
* «Заманауи, технологиялы, тиімді:сәулет пен кітапханалық кеңістік» республикалық конференциясы
* Облыстық «Қостанай облысының үздік оқырманы»
*2012 жыл 
* Жастар кітабы фестивалі
* "Жазушымен жақынырақ танысайық" әдеби саяхат
*«Кітаппен өткен ұйқысыз түн немесе кітапханадағы ымырт» акциясы 
*2014
*"Сөз кұдіреті" байқауы

== Кітапхана директорлары ==
* Свистунова М. Д.
* Казакова Л. И.
* Литвинова Л. А.
* Голубятникова Л. В.
* Кизимова О. В.
*Теплякова Н. М.
== Тақырып бойнша сілтеме ==
* [http://www.allib.org/ Кітапхана ресми сайты]

, [[Балалар кітапханалары]]

[[Санат:Қазақстан кітапханалары]]