Түркбенбаева Дильбар Дадоханқызы бетінің бастапқы мәтінін қарау

'''Түркбенбаева Дильбар Дадоханқызы''' – [[1940 жыл]]ы 8 тамызда [[Тәжікстан]]дағы Гиссар ауданының Гиссар кентінде дүниеге келді. <ref>Қазақстан баспагерлері мен полиграфистері. Анықтамалық. Алматы, «Білім» баспасы. 2005 ж. – 576 бет. ISBN 9965-09-134-Х </ref>

*[[1963 жыл]]ы [[Мәскеу полиграфия институты]]н тәмамдады. Д.Д. Түркбенбаева еңбек жолын [[Алматы қаласы]]ндағы №2 баспаханада есепші қызметінен бастады. Осы баспаханада инженер, Қазақстан Орталық Комитетінің газет-журнал баспаханасында инженер-экономист болып қызмет етті.
*[[1967]]-[[1994 жыл]]дар аралығында Қазақ КСР Министрлер Кеңесі Комитетінде, ҚР-ның [[Баспасөз және бұқаралық ақпарат министрлігі]]нде: қаржы жоспарлау, қаржы бөлімінде экономист, баспалар жөніндегі үйлестіру және өндіріс бас басқармасында экономист, бөлім бастығы, баспалар жөніндегі бас басқармасының басқарма орынбасары қызметін атқарды. 
*[[1976]]-[[1988 жыл]]дары [[баспа]], [[полиграфия]] ісі жөніндегі бас басқармасының бастығы, Баспасөз және бұқаралық ақпарат министрлігінің коллегия мүшесі, [[1988]]-[[1994 жыл]]дары осы министрліктің жоспарлау, қаржы және экономика Басқармасының бастығы, коллегия мүшесі болды.
*[[1994 жыл]]ы Туркбенбаева Д.Д. ҚР Әділет министрлігінің шақыруымен осы министрлікке қарасты тұңғыш заң әдебиеттерін шығаратын «Жеті жарғы» баспасына директорлық қызметке тағайындалды.

Д.Д. Түркбенбаева Баспасөз және бұқаралық ақпарат министрлігінде, Әділет министрлігінде қызмет істеген жылдарда баспа ісін ілгері дамытуға ерен еңбек жұмсады. Ол іскер басшы, әрі ұйымдастырушылығы ерекшеленіп отыратын іскер маман ретінде танылды.

Д.Д. Түркбенбаева осы министрлікте қызмет атқарған жылдары «Жалын», «Өнер», «Ана тілі», «Білім» баспаларының құрылуына да ат салысты. Баспа саласындағы ұзақ жылғы мінсіз еңбегі үшін «Еңбек ардагері» ([[1986]]), «Баспа үздігі» ([[1990]]), «ҚазКСР-ының еңбек сіңірген экономисі» ([[1991]]), «Қазақ КСР-ның еңбек сіңірген мәдениет қызметкері» ([[2001]]), КСРО, Қазақстан Республикасы Баспа және ақпарат министрліктерінің, ҚР Әділет министрлігінің бірнеше мәрте Құрмет грамоталарымен марапатталды, [[2002 жыл]]ы [[Франция]] Өндірісшілер одағының Алтын медалімен баспа ісі, полиграфия, кітап тарату саласында марапатталған.

[[2002]]-[[2005 жыл]]дары [[Банкнот]] фабрикасының директоры қызметін атқарады. Ол басқарып отырған ҚР-ның Ұлттық фабрикасы [[2004 жыл]]ы V халықаралық форумда (Бизнес саласындағы жоғары сапалық) «Мінсіз іскерлік үшін» алтын медалімен наградталды. Сондай-ақ [[2004 жыл]]ы осы өндіріс саласы арнайы (Мальта қаласы) «Earmarker» «Сала лидері» наградасына ие болды. 

==Дереккөздер==
<references/>

{{Суретсіз мақала}}
[[Санат: Журналистика]] 
[[Санат: Тұлғалар]]
[[Санат:Қазақстан баспагерлері мен полиграфистері]]