Съез ашу мәселесі жөніндегі хаттар бетінің бастапқы мәтінін қарау

'''Съез ашу мәселесі жөніндегі хаттар''' - XX ғасырдың басында қазақ зиялылары көтерген мәселелердің бірі - съез ашу мәселесі. Съез ашу жөнінде [[Қазақ газеті]]нде, [[Айқап]] журналында бірқатар мақала сипатындағы хаттар жарық көрді. Олардың ішінде Ж.Сейдалиннің «Азып-тозып кетпеске не амал бар?», «Бас қосу. Бас қосуға рұқсат берілмепті», «Тағы да съез хақында», [[Әлихан Бөкейханов|Ә.Бөкейхан]]ның «Жиһанша Әлмұхамедұлы Сейдалинге», «Жауап хат», «Ашык хат», [[Ахмет Байтұрсынұлы|А.Байтұрсынұлының]] «Жауап хат. Құрметті Жанша, Жиһанша Мырза!», [[Міржақып Дулатов|М.Дулатовтың]] «Бас қосу туралы», Б.Сырттановтың «Сүйікті Жаһанша Мырза!», Е.Қасаболатовтың «Бас қосу турасында бір-екі ауыз сөз» хаттарын айтуға болады. Бұл хаттарда қазақ оқығандарының басын қосып, ел қамын ойлау мәселелері көтерілді. Съез ашу мәселесінде сол тұстағы зиялы кауымға ой тастаған Ж.Сейдалиннің еңбегін арнайы атап өткен жөн. Бұл хаттар қазақ зиялыларының басын қосуға, съез ашуды күн тәртібіне қоюға өзіндік үлкен ықпал жасады.<ref>«Алаш» қозғалысы. Алматы, 2008. ISBN 9965-32-715-7</ref>

==Дереккөздер==
<references/>

{{Суретсіз мақала}}

[[Санат:Алаш қозғалысы]]


{{stub}}