РК(б)П орталық комитетінің Түркістан бюросы бетінің бастапқы мәтінін қарау

'''РК(б)П орталық комитетінің Түркістан бюросы (Түркбюро)''' — Ресей большевиктерінің Түркістандағы жоғары өкілетті басшы органы. 


[[1920 жыл]]ғы шілдеден [[1922 жыл]]ғы мамырға дейін қызмет істеді. Оған Г.Я. Сокольников, Г.И. Сафаров, Я.Х. Петерс, Л.М. Каганович, т.б. [[Мәскеу]] эмиссарлары мүше болды. 

Өз қызметін Т.[[Рысқұлов]]ты Түркістаннан аластап, “рысқұловшыларды” қуғындаудан бастаған Түркістан бюросы Орталықтың [[Түркістан АКСР]]-не тікелей басшылық етуін жүзеге асырды. Партия және кеңес съездерін шақыруға, [[Түркістан автономиясы|Түркістан АКСР-і]] [[Конституция]]сының қабылдануына (1920 жылы қыркүйек) басшылық етті. 

Жаңа экономикалық саясат жүргізіп, жер-су реформасымен, байлар мен ауқаттылардың дүние-мүлкін [[тәркілеу]]мен айналысты. Компартия бағытынан ауытқушыларды аяусыз жазалап, партия және кеңес аппаратын тегіс жат элементтерден тазарту ісін қадағалады. “Басмашылар” қозғалысын қарулы күшпен басу үшін ислам дініне, шариат пен жергілікті халықтың салт-дәстүріне қарсы күресті. Сонымен бірге мұсылмандарды өз жағына тарту үшін уақытша шегіністерге баруға да мәжбүр болды. 1922 жылдың жазында Түркістан АКСР-і аумағында мешіттер мен медреселерге қарасты жерлер (вакуфтар) қайтарылды, қазылар мен билер соттарының қайта ашылуына рұқсат берілді. Түркістан бюросы 1922 ж. мамырда [[РК(б)П орталық комитетінің ортаазиялық бюросы]] болып қайта құрылды.<ref>"Қазақ Энциклопедиясы", 7 том</ref>

== Дереккөздер ==
{{дереккөздер}}


{{Суретсіз мақала}}

[[Санат:Қазақстан тарихы]]