Павлодардың екі сыныптық орыс-қазақ училищесі бетінің бастапқы мәтінін қарау

'''Павлодардың екі сыныптық орыс-қазақ училищесі''' - оқу орны. Банкротқа ұшырап, [[Мәскеу қаласы]]на қоныс аударган көпес А.И.Деровтың сыйға тартқан екі қабатты меншік үйінде 1909 жылы 2 басқышты бастауыш мектеп ретінде ашылған.

Осы оқу орнында Н.Е.Алексеев, Ә.З.Сәтбаев, Г.В.Терентьев, А.Барлыбаев, Я.И.Овсянников, тағы басқалары мұғалімдер сабақ берген. Мұнда кезінде жазушы [[Аймауытов|Ж.Аймауытов]], мұғалім П.Жүсіпбаев, тілші-ғалым Ж.Досқараев, мал дәрігері Ж.Әбдіхалықов, дәрігер X.А.Барлыбаев, тағы басқалары оқыған. 1911-14 жылы аралығында [[Қаныш Сәтбаев]] та осы мектепте 3 жыл бойы оқып, барлық пәндер бойынша үздік оқуы нәтижесінде мерзімінен бір жыл бұрын бітірген. 1970 жылы училище ғимаратының қабырғасына ұлы ғалымға арналып, мемориялдық тақта орнатылды. [[Сәтбаев Қаныш Имантайұлы|Сәтбаевтың]] ғылыми әріптесі, биолог И.К.Фортунатовтың естелігінде (М.Сәрсекенің жеке қорында сақтаулы) ғалымға жас күнінде сабақ берген ұстаздары жайында: «Өте ізетті, білімдері терең және соны бізге дарыта білген сұңғыла жандар еді. Ең ғажабы, олар шәкірттеріне талапты қатаң ұстады, алдарынан көлденең өтуге именетінбіз, сөйте тұра ерекше сыйлайтын едік...» - деп сыр шертеді. Нақ осы іспеттес сөздер ғалымның ұстазы Алексеевтің [[Павлодар облысы]] өлкетану мұражайында сақтаулы «Шәкіртім Қаныш Сәтбаев туралы» деп аталатын ұзақ естелігінде де айтылған.<ref>Қаныш Сатпаев. Энциклопедия / Бас редактор Б.Ө.Жақып. — Алматы «[[Қазақ энциклопедиясы]]», 2011 жыл. ISBN 9965-893-74-8</ref>

== Дереккөздер ==
<references/>

{{wikify}}
{{Суретсіз мақала}}

[[Санат:Қаныш Сәтбаев]]
[[Санат:Жоғарғы оқу орындары‎]]


{{stub}}