Михаил Ильич Усанович бетінің бастапқы мәтінін қарау

{{Ғалым
 |Есімі                  = Михаил Ильич Усанович
 |Суреті                 = 
 |Сурет ені              = 
 |Сурет тақырыбы         = 
 |Туған күні           = 17.06.1894
 |Туған жері           = Житомир
 |Қайтыс болған күні     = 15.06.1981
 |Қайтыс болған жері     = Алматы
 |Азаматтығы             = 
 |Ғылыми аясы            = физика, химия
 |Жұмыс орны             = Томск университеті
 |Ғылыми дәрежесі        = 
 |Ғылыми атағы           = 
 |Альма-матер            = Әулие Владимир университеті
 |Ғылыми жетекші         = 
 |Атақты шәкірттері      = 
 |Несімен белгілі        = 
 |Марапаттары            = {{Еңбек Қызыл Ту ордені}}{{Еңбек Қызыл Ту ордені}}{{Еңбек Қызыл Ту ордені}}
}}
'''Михаил Ильич Усанович''' (16.6.1894, [[Украина]], Житомир қ. – 15.6.1981, [[Алматы]] қ.) – химия ғылымының докторы (1938), [[профессор]] (1930). [[Қазақстан Ғылым Академиясы|Қазақстан ҒА]]-ның академигі (1962). [[Қазақ КСР]]-інің (1967) және [[Өзбек КСР]]-інің (1943) еңбек сiңірген ғылыми қайраткерi.

[[Киев университетi]]н бiтiрген (1917). Украина ғылым академиясының [[лаборатория]]сында ғылыми қызметкер (1918–20), [[Киев]] қаласындағы Химия-фармацевтика зауытында басшылық қызметте, сонымен қатар Политехникалық [[институт]]ында оқытушы (1920–29) болды. [[Томск университеті]]нде (1930–34), [[Орта Азия университетi]]нде (1935–43, [[Ташкент]] қ.), Қазақстан ғылым академиясының Химия ғылымдары институтында лаборатория меңгерушісі (1944–49), аға ғылыми қызметкер (1949–61), ҚазМУ-да кафедра меңгерушісі (1944–81, қазіргі [[Қазақ ұлттық университеті|ҚазҰУ]]), декан (1946–48) және лаборатория меңгерушісі (1964–81) қызметтерін атқарған. 1938 ж. оған [[диссертация]] қорғамай-ақ химия ғылымының докторы дәрежесі берілді.

Негiзгi ғылыми еңбектерi [[ерітінді]]лер теориясына арналған. Ол ерітінділердің сандық теориясын (1932) қорытты, аномальды электр өткізгіштік кездейсоқ құбылыс емес, заңдылық екенін дәлелдеді; [[қышқылдар]] мен [[негіздер]]дің жалпы теориясын қорытып, химиялық реакция құрамы жағынан тепе-теңдік концентрациясына тәуелді болған жағдайда ғана идеалды ерітінділер заңына бағынатынын анықтады; сонымен бірге ерітінділердің қасиеттері (тығыздығы, тұтқырлығы) олардың құрамына байланысты екенін химиялық теңдеулер арқылы дәлелдеді. Усанов «Қышқылдар мен негiздердiң Усанович теориясының» (1938) және 300-ге жуық ғылыми жарияланымның авторы. 3 рет [[Еңбек Қызыл Ту орденi]]мен (1945, 1961, 1974), медальдармен марапатталған. Шығармалары.: Исследования в области теории растворов и теории кислот и оснований, А.-А., 1970.<ref>Қазақстан ұлттық энциклопедиясы</ref>

== Дереккөздер ==
{{дереккөздер}}

[[Санат:Қазақстан ғалымдары]]
[[Санат:Қазақстан Ұлттық ғылым академиясы академиктері]]