Кунте Павел Павлович бетінің бастапқы мәтінін қарау

'''Павел Павлович Кунте''' (1888, [[Австрия]], [[Вена]] қаласы – 1956, [[Ақтөбе]] қаласы) – неміс ғалымы, [[тарих]]шы. Вена университетін бітірген ([[1910]]). [[Австрия]], [[Швейцария]], [[Чехия]], Германияда ағартушылық, саяси-қоғамдық жұмыстармен айналысқан. 20-жылдары [[Ресей]]де Профинтерн өкілі болды. [[1929]] жылы [[Алматы]]ға ауыстырылды. [[1930]] жылдан бастап КомЖОО-да (Коммунистік жоғары оқу орны) [[тарих]] пәнінің оқытушысы, жалпы тарих кафедрасының меңгерушісі, [[Қазақ]] мемлекеттік баспасының меңгерушісі, Халық ағарту комиссариатының инспекторы, ҚазПИ-дің (қазіргі ҚазҰПУ) проф. болды. Қазақ тарихын зерттеп, 1935–36 жылдары «Қазақстанның өткендегі тарихы туралы деректер мен материалдар» (1 том) атты құжаттар жинақтарының құрастырылып шығуына (С.Аспандияровпен бірлесіп) жетекшілік етті. 1938 жылы саяси қуғынға ұшырап, отбасымен бірге [[Ақтөбе облысы]] Новороссийск ауданына жер аударылды. Өмірінің соңына дейін орта мектепте тарих, неміс тілі пәндерінен сабақ берді.<ref>[[Қазақстан Республикасының Ғылым Энциклопедиясы]]</ref>

== Дереккөздер==
<references/>

{{wikify}}
{{Суретсіз мақала}}

[[Санат:Тұлғалар]]


{{stub}}