Владимир Федорович Шин бетінің бастапқы мәтінін қарау

'''Шин Владимир Федорович''' (1924-1999 ж.ж.) — суретші, живописьші, суретші-декоратор. 

[[Синбар]] селосында туған, көп балалы шаруа отбасында өсті. [[1937 жыл]]ы [[Қиыр Шығыс]]тан корейлерді депортациялау тұсында [[Қызылорда облысы]] [[Жалағаш (Қызылорда облысы)|Жалағаш стансасына]] келіп қоныстанады, осында мектепті тәмамдайды. [[1943 жыл]]ы [[Самарқан]]да орналасқан [[Бүкілресейлік көркемсурет академиясы]]на живопись факультетіне түседі. Екінші курстан соң [[Коми]] АКСР-не ағаш дайындауға еңбек әскеріне жіберіледі. Соғыс аяқталған соң үшінші курсқа қайта қабылданады. Анасының науқастануына байланысты оқуды тастап, [[Өскемен]]ге қайта оралады. Театрда декоратор, Қазақ ИЗО шеберханаларында еңбек етеді. [[1950 жыл]]ы [[Семей]]ге көшіп келеді. 40 жыл бойы қаланың көркемөнерiне белсене қатысады. Оның жұмыстары жыл сайын қала көрмелеріне қойылды. Суретші республикалық маңызы бар көрмелерге бірнеше рет қатысты. Қаланың көркемсурет шеберханаларында 34 жылғы адал еңбегі үшін «Еңбек ардагері» медалімен марапатталды. 

[[1964 жыл]]ы «Жұмысшы Жаңбырбаевтың портреті» салды. Суретші өзінің шығармашылық жолында натурализм бағытын жақтады. Портрет жанрында жұмыс істей жүріп, суретші адамның ерекшелігін, қайталанбас ішкі дүниесін ашып көрсетуге тырысты. Қызықты адамдарды таңдай білді. Денсаулығы да, рухы да мықты замандас бейнесін сомдау үшін, суретші аяқ киім фабрикасының жұмысшысының суретін салуға кірісті. Жаңбырбаевтың портретінде денсаулығы да, жан дүниесі де мықты ер адамның қайсар да жігерлі келбеті, алысқа қадалған өткір жанары шынайы берілген. Суретші жұмысшының көп жұмыс істеген қарулы, тамыры шыққан тармыс қолдарын дәл көрсете білген. Портреттің алуан түрлі бояулары үйлесім таба келіп, жұмысшы бейнесінің мағынасы мен құндылығын арттыра түскен.<ref>Шығыс Қазақстан облыстық Семей қаласындағы Невзоровтар атындағы бейнелеу өнері мұражайы. Семей. — 2003. — 204б.
</ref>
== Дереккөздер ==
{{дереккөздер}}

[[Санат:1924 жылы туғандар]]
[[Санат:1999 жылы қайтыс болғандар]]
[[Санат:Қазақстан суретшілері]]
[[Санат:Қазақстан корейлері]]
[[Санат:Жалағаш тұлғалары]]
[[Санат:Бүкілресейлік көркемсурет академиясы түлектері]]
[[Санат:Семей тұлғалары]]
[[Санат:Еңбек ардагері медалінің иегерлері]]